朗聲四起

ko na mangey do kocong a meyvatevatek. ya macitarek rana o ko vilangan a vakong. ya aro rana o ko ji apatakan ta ko avayo pa ya macinanao ko pa jiapeyneynara ya piya do jia ta ya aroo kararey ko a ya meyvatevatek. ya aro rana o kagagan ko, ya aro sira o sinsi namen a ya yamnanao jiamen no ya meyciataretarek a namen vilangan a vakong ko masarey, ta yamian so sinsi namena ya maglow niaken, ya manci niamen a mowyat a macinanao.

koi kakza o ko vilangan a ciri no imanira, ya piya ori. ta no simateneng ko a manci no ciriciring no imanira am, mangey ko do ilaod a mivilang do makarang a gako, karo rana no katenngan ko a ciriciri no imanira. ya aro o sira kararey namen ya ji makpakdeng do da ka pivatvatek, ta sira masanga ya manita so aro aiyalalam do tizibi. inaoy no miyangangey namen a mowyat a macinanao.

yamen rana do pivatvatkan am, o ya mivahey do marai a ili am, ya tongian do gako; o ya masngen so vahey am, no teyka macinanao am sira mangey do ka vaneyan da. so namen tongonongonongi da ya kapaliplit a miveravera so nipangayan so kanen a ka no yakan namen a kakanan. akman so sang ta namen tongonongonongi o ayob a ya apisan.

ya piya do gako namen, ta ya mian so rake a vahey, o rako a vahey ri am, namen kalovolovotan a omamizing so meyciamadadayan a da ivavaga jiamen no tarek a tao domalaod no namen mibozo aka no macinanao do ganam no tao am, namen tongian do rako a vaney ang, ji amaman o kakawan a masilag ka no na ka cimoy a mapagpag.

ya mian so mimong no ya amnanao so ya mibozo a ka no maganam a sinsin. da kangey do ilaod a macizavoz do kapalangayan namen a tao domalaod a minenenet; ya mian so rarakeh a ya amnanao do karoan namen a miavavang a ka no mitanatana, tomakatakow am da yangey yamen no sinsi do takey a macinanao do iciatatao namen a macinanao do vazavazey do kahasan a ka no vazey do kowran, so ko kasarey a macinanao do gako namen.

國中的老師很多，分別教我們不同科目、領域的知識。家遠的就住校，家近的上完課直接回家。課堂上有不懂的，每日晚自習都有老師為我們複習解惑，我很感恩老師學識淵博和為我們付出的愛心。

我們常在活動中心集合，聽專家各式各樣的講座或活動，不用擔心外面天氣炎熱或雨天或颱風天。學校有專門指導籃球隊和舞蹈的老師，也會請長輩教我們製作木船、上山認識山林和芋田文化，我喜歡學校的生活。