110 年全國語文競賽原住民族語朗讀 【雅美語】 國小學生組 編號 4 號
sinsi namen a ka niaken

o yak o peyvatvatekan a gako namen am, ya mas ngen do ili namen. ko tongalam a ya mangey mivatvatek, ko masarey a ya meyvatvatek, ta sira apia o sinsi namen, ya mowyat sira ya amnanao o jiamen. no ko moli rana do vahey namen am, ya na mian si ina nimateyka ranan nimanotong so kanen namen, no namen rana mateyka koman am, na kinsaen ni ina o vakong ko. ta no ya pa mian so ko ji animateyka nivatvatkan am, na ipanci yaken a ya mapateyka sia. ya na nanaoen yaken ni ina mowyat a macinanao do sinsi.

ko isarey si ina ya amnanao jiaken, no si ji ko ngamizinga o inanao na jiaken ni ina am, ya malahet o onowned ko. ta maniring si ina am, “o ji mangamizing so ciring no niapoan a kanakan am, nomakoa rana am abo angangayan da.” ori ya ko ipangamizing so da inanao jiaken no niapoan ko, ka sasarey da nira ama a ka ni ing. akman sang o sinsi namen ta na ikaglow yaken.

sinsi namen rana am, nomakatakow am akman so rarakrakeh a kakteh namen do da kapacialalam jiamen a mibozo, nojia malalayo do pivatvatekan namen; da paloloen yamen a mangey do sieisiri no rarahan a, manita so meyciataretarek a kayokayo, namen ipakateneng do ngarangaran no kayo noji ngarangaran no tametamek; da nanaoen yamen a mianoanood so anood no kanakan, so namen ikasasarey do pivatvatkan a macinanao.no ya mian so lco jiatenngi do vakong am, da payaingen do kavavataen a namen kakeykai a makazab so peypeypangayan na, so ko panadnadan so sinsinamen, do na karo no da katenngan a monganey do vakong a tenetenengda.

nomakatakow o sin si namen am, akman so niapoan ko, no mian so masapa ko do pivatvatkon a mizaza nojia kaingen no velek ko am, da tongavangan yaken a ya mangey do Jimowrod, manci no koysang a omvavow so ingnen namen; no marahet o nakenakem ko a macioya do anaankan jiaken am, da pamizingen yaken a mamlis so ko karatan, da kapanci niaken a mangey do nikaoya ko a tao a manci no kalasa ko, ka ji na pianan sia do onownen na. no mian so apia vazavazay ko a manidong so tao nojia keyan no pia nimahap ko do pinenetan namen am, ipikarkaryak da yamen a masasaya amrapong jiamen. ori mamen tonazestesi a ya mipakatkak so nakenakem a ka no teneteneng do peyvatvatkan namen. tana ya ownanao jiamen am, sira mamimin a akman so niapoan namen a yam aglow niamen a owvavaga jiamen a mahap sopia vazavazay to angey do ipakaveyvow namen a mangarilaw so iciatatao do karawan.

110 年全國語文競賽原住民族語朗讀 【雅美語】 國小學生組 編號 4 號
老師和我

讀書的地方離村莊很近,我都用走路的去學校。我很喜歡上學,老師們都很好,教書很認真。回家後,媽媽已煮好晚餐,飯後,媽媽會檢查作業,若我還沒做完作業,她會要求我完成。媽媽教我的時候,跟老師一樣認真。

若我沒聽媽媽的話,我心情就會不安。媽媽說,不聽話的小孩,長大後,沒地方可去,要聽話,父母才會開心,我們的老師也會疼愛我。

老師就像兄長一樣,陪我們打球或跑步,也會帶我們到戶外認識各式各樣的植物,讓我們知道樹與草的名稱;也教我們唱兒歌讓我們快樂學習。

課堂上不懂的,老師會用故事來比喻,使我們能明白書中的道理。我很尊重老師,因為他的知識淵博。

老師像我的父母,當我不小心受傷、生病,他們馬上用車載我們去給醫生治療;有時,我會欺侮比我小的年級,老師會諄諄教誨,讓我行為不要偏差,叫我去道歉請求原諒。

若我有好的表現,幫助別人或參與比賽有不錯的成績時,老師會給我鼓勵,漸漸地,做人處世的道理也被培養起來。

教我們的老師會換來換去,但老師們卻一樣用愛的教育教導我們品格,用愛對待每人。

文章資訊
文章年度
110
文章編號
4
文章組別
國小
文章語別
雅美語
族語標題
sinsi namen a ka niaken
漢語標題
老師和我
文章作者
郭月桂
漢語摘要