朗聲四起

Dnkilan alang sayang ga, ini bi ktna saw sbiyaw da. Seuxal han o manu ka dseejiq alang ga musa balay mkksa ni rmigaw alang breenux paru ni eseisil klwaan, sayang do brinah seejiq klealang eseisil ka miyah mkksa rmigaw alang dgiyaq daya da. Dhiya ga niqan ka seejiq pneiyah sipaw Talu, niqan ka pneiyah klwaan Tanah Tunux, Damay Dowriq ni kana ka seejiq kneinu knglangan, niqan ka uxay ta bi knklaan seejiq klwaan eseisi, miyah mkksa ni rmigaw alang dgiyaq daya.

Manu ka sayang dga, ana nanaq ini ktna knklgan seejiq, ini ktna ka Gygaya kklwaan o, ida ta msgealu ni mseupu kana ka seejiq babaw dxgal sayang da. Dseejiq sayang ga, ida wada kmdudul msdalih ka lnglungan da. Saw ka gaga dhiyaq bi nniqan Damay Dowriq Amiruka o, peapa sapah skaya kingal rabi do, dhuq ta klwaan Damay Dowriq da. Ida dhiyaq balay ssaan seuxal han, sayang do ririh saw gaga bukuy bi dgiyaq hiya msdalih ta bi kana da.

Meiyah mkksa rmigaw alang dgiyaq daya sayang ka seejiq o, ida qulung smiling quri dnuuy qyqaya rudan sbiyaw, ida mkmarig balay duma ka seejiq meiyah rmigaw uri. Saw ka tninun pala, lukus rudan sbiyaw ni uuqun rudan sbiyaw. Dhiya ga mkmeiyah bi smluhay tminun pala, mseupu meuyas uyas ni rmgrig grig uri.

Knxalan sayang nii ga wada kmdudul trawah ka rhngun klealang sayang da, meiyah rmigaw ka dhiya o qqrasun ni pssdangi ta kana. Dungus na hiya o pklaun ta mmeenu seejiq ka dhiya? Pshuya ta pkla mnan, pshuya ta kika psparu qmita kndusan ta ni knkla ta Seejiq Balay ka dhiya? Seupu ta lmnglung ni tgsaun ta ka dhiya, yaasa ini saw sbiyaw ka sayang da, asi ka ppkla ka seejiq sayang da. Pusu balay o gisu mtrawah kana ka lnglungan seejiq sayang, gisu mtrawah kana ka knklaan kngkingal klgan seejiq sayang uri da, kiya ni tduwa ta mpahung rmngaw “ Seejiq ku Balay ka yaku ” da.

觀光客每到部落觀光時，會尋問過去先祖所使用的生活用具，並且想要購買或體驗織布、體驗歌舞活動、體驗部落的生活以及品嘗傳統美食的料理等等。人與人之間的往來已經變得距離越來越緊密，是我們祖先無法想像的事，從前各部落的族人是不隨意踏進別人的部落。

帶給觀光客歡樂的同時，我們該讓他們知道什麼？又該如何讓他們學習尊重我們的生活與文化？這是我們應該要共同思考並教導他們，我們是賽德克族！