朗聲四起

rahu balay ginlyutux na bbinkisan ta Atayan. rema naha psr’ xun ku pu’ ing kyanux ta. siga gmlyutux, mhway, mbbay, mklahang, ini k’ usu, ini ks’ ari, ’ngyat mtyaw. ana pp’ umah naha utux utux kayan uziy ga, mutu naha pgaga. siga ini tubux na ga siki smyatu han, zik na pkluh ga, sikin stsa’ ing, tmasu kwara ku yaw lga, mutux Pslkotas la. wiwan sa musa mplmuh sku kwara bbinkisan maha plagaw ta ku oyat na utux kayan wayan, babaw nya ga klhangi sami lozi ru pbhuyaw kwara ku p’ mahan myan ma.

kyala mspat pgan kayan wayan hazi, tehuk alang na Tayan ku oyat ru hway na Lyutux Kayan. kahun sku boksi ini ga sunbu ka mtanah tunux maras sa rahu balay huway na Yesu Kiristo. sikila nisan t’ aring muwah ga, ini p’ asi kruma na bbinkis ta. ’si naha ga niya muwah smsyuk sa Gaga ru lyutux na bbinkisan ta. ulung sa lokah sintman na pyang gleng snhi na mntsway, kahun naha sa gmlyutux balay na inlungan ru rmaw pzimu. spwah na Serey Yaba Lyutux Kayan uziy mtyaw, wayan hbayaw ku minxayan ru pkble’ un. nanu ye’ asa ku n_gyut n_gyut sihyun na bbinkis ta maha Lyutux Kayan ku balay balay na lyutux la.

misuw soni lga mki alang ta Tayan pyux ku lmlamu na kyokay. siga Tenskyo, Cyoro kyokay, Sinyaso, Sinsyokay. kahun sku knita naha gaga Tayan ki sinhyan ga, ini ptna hazi. pyanga sa tehuk ryax na Pslkotas ga, mutu mhtuw uziy ku ini ptna na hngayang.

knita muw nanak, Yaba Lyutux Kayan ku kinbalay kwara babaw kayan ru babaw rhyan, hiya uziy ku mnay insuna yaba yaya ta. nanu ye’ asa ku musa ta tmubun sku huway na bbinkisan ta ga, musa nya p’ asun. ye’ igiy niya nya rema psr’ xun sku mpuw sinrhgan te magan maha, pung kay yaba yaya su ru nble’ iy mlahang, nki simuw mtlux myanux babaw rhyan ru ana nanu oyat ga p’ ki ki simuw.

泰雅族的祖先已樹立生活的根本。如：愛心、仁慈、分享。播種前，先進行播種祭；割稻前舉行收穫祭；等農事做完，就進行祖靈祭，和祖靈一年一度的相遇，並祈求明年繼續保佑照顧子孫，賜下祝福。 

上帝福音傳到泰雅部落，各種宗教對本族文化、宗教信仰有不同想法和觀點，一開始，族人不歡迎，然第一代信徒為族人誠心代禱，天父賜生命氣息給天下父母親。當我們對祖靈表現出的感恩思念之意，必然歡喜，漸漸的，族人也開始接受。