朗聲四起

Thau tu lhmazawan antu tataal a Mashbabiar maqa Lit-puun a kawash tu isisua ianan sa kilhnaqualh a thau, numa Thau a kazakazash muqay ianan sa “Mashtatun” antu zain “Mashbabiar”, numa mita Thau a Tungkariri Lus’an a kazakazash imuhala wa lhuan amihala “Mashtatun”, numawan “Mashbabiar” muqaiza sa shaila.

inkahiwan Thau ya matlhaqan, apasain sa fatu makarunu sa pazay.

numa kain apu’apaw sa mathuaw maqitan tmazan a luskin, numa maqa taturtur ianan sa mashashu a luskin, isisua tatata wa taun ya matlhaqan, numa apu’apaw sa antu tataal a luskin, lamathuaw maqitan a tmazan, numawan Thau a mashbabiar tu mita Thau a antu tataal a kazakazash.

pungkawakawash a pitu furaz a minrikus a tanlhuan, kataunan a binanau’az amiasuun mutant Lhkashnawanan Daduu a taun kmalawa sa izai a mashtatun, numa binanau’az amakarihaz mashbabiar, maqa kain pishfazaq sa muribush a thau amushuqishiza, numawan mingqaraiza pakadaudauk minushaiza.

isai a Wazaqan, mashbabiar tu ita Thau mashashu a kazakazash a shaila, numa mani kilhnaqualh a thau amariqaz mathuaw tmara sa mimparaw.

maqa apiaqitan sa Mashbabiar puil dai numa palhituz sa Thau a kazakazash, tu kahiwan Thau kazakazash shumpazaw a minkalangkan ianan araiza shduu minfazaq sa Mashbabiar a nauriza lhupilhupishan numa pinalalawa tuqatuqash amunai pinfazaq sa thau a Mashbabiar a nauriza lhupilhupishan, itia ladadu sa parhaway amunai matudahip, sharaqian munai sa thau mathuaw ladadu, kanuniza parhaway ianan sa iakarishkish minfazaq a shnaw, numawan tuqatuqash mathuaw ma’alah’a sa shnaw.

Thau a Mashbabiar ianan sa latusha wa athan, ya kazakazash sa zain sa Thau “Mashtatun”, numa ya pashaila zain sa Thau “Mashbabiar”, latusha wa athan az’az mathuaw maqitan sa Thau a kazakazash, numawan apalhituz mani ita.

 

在邵族人的傳統習俗裡，只有「舂石音」而沒有「杵歌」，「舂石音」是一種儀式行為，「舂石音」是邵族人傳統換年祭祭典時之前的序幕，「杵歌」只純粹是表演而已。每年農曆7月的最後一天晚上，部落婦女們聚集於袁姓頭人家進行「舂石音」儀式，這是召喚山上狩獵的男性回部落的信號，後來演變成表演形式。

為保存並傳承，過去也曾開辦課程。邵族的杵音有分成兩種，一種是祭典時才能敲的，一種是表演時敲的，兩種都很重要。