朗聲四起

Thau a apu minzai, iamin Thau a tanatuqash, maqa qmaqutilh sa latata mapuzupuzi a lhkaribush a qnuan, numawan shaunanaiza ungqtuan izai a Wazaqan, miniahala itusi Puzi, maqa sa thau mathuaw katbashbash, numawan suma sa thau shaunatusi Lalu. kahiwan Lalu mathuaw marutaw a hudun, maqa Wazaqan a sazum makitrutaw, numawan minlangqisusay a hudun ya thuini. kahiwan sa Thau a kataunan az’az isai Lalu a shirshir, numa Lhkapamumu a ripnu mani isa Lalu a shirshir, ya itusi Taringkuan sa thau amilhungqu sa qnuan a rikus, mufarit numa mrauz shaunatusi Lalu itantu mubuhat. Thau a thapa mani isui Lalu manshirshir a wazaqan.

Lalu isa Wazaqan a fazfaz, sa Thau tu kahiwan a kataunan, numa Lalu mani sa Thau mathuaw shuqrumin a pruq.

isai latusha matilaw a kawashiza, mita Thau sa thau inai minalhalhuiza sa parakaz, miazai sa Thau a azazak numa qumqum inashawan inai i Wazaqan.

maqa izai Lalu suqrumin mita wa Thau, numa kain muntal sa Thau a

tiakahiwan a kazakazsh, ya aminshinshii a binanau’az, faqlhu a Shinshii apuntal sa tanatuqash a minshinshii, amunruza shaunatusi Lalu, numa makikalhiwan sa izai apu’apu, apu’apu ya mashashduu piazithu shduu ya minshinshii.

numa ya amutusi Lalu, amihalawan palalawa sa Daduu numa hinshii numa tuqatuqash paplishuan, ata tu pashmamuqmuq ya mutusi Lalu, numa mani ya itantu ata tu mumamuqmuq puthaqi numa pishtubu, parshian dai.

kain Thau a Ulalaluan, Thau a lalawa zain Ulalaluan, numa Lalu a lhanaz tu naam a tanatuqash kahiwan tmulhanaz zain Lalu, numawan Lalu sa Thau mathuaw shmuqum a pruq.

Lalu mathuaw lamaqita a pruq, ianan manasha sa naam a kazakazash iutu. numa shduu mriqaz Thau kahiwan a ininthawan, numa ianan mani naam a kahiwan Thau a lalawa, maniun ya itia sa azazak numa qumqum ya kahiza, afuilh ihu thaithuy Lalu a numanuma, numa apinfazaq thaithuy, ata tu shararuzi mita thau a parshian.

iatunaw iamin Thau, numa apiaqitan lhungqizi izai a Lalu masa iamin Thau a pruq, ata tu pu’ukaan.

祖先追逐白鹿來到日月潭，先是在Puzi(現在土亭仔位置)，人越來越多，有些人則去了Lalu。以前Lalu是很高大的山，因為水漲高變成小小山。以前有邵族的部落就在拉魯的旁邊。邵族穀倉也在Lalu的潭邊。拉魯位在潭的中央，是邵族人的聖地。

2000年族人在島上種下茄苳樹，象徵子孫世代文化綿延不絕。Lalu有神聖性和象徵的意義，依照傳統，想學做祭司的婦女，最後都必須由資深的祭司陪同乘船登上Lalu島，感受最高祖靈啟示，得到應允後才算取得入門資格。