朗聲四起

Niqan kingal alang tnugiyo ba mqedil ka cbeyo, “ Alang mqedil ”  kesun daha ma uka rseno, kiya ini ekan ido ma wano ba qrengun ka sknexun daha duri mesa.

Ma stexan ali, moda phuling hiya ka kingal rseno ciida, wada mgedang eluw ndaan na, kika moda alang mqedil ma qmita egu uuqun, mqaras bale lnlungan na, yaani bale muure ka ciida, kika asi osa mangal uuqun ma qbusun na mekan duri.

Wada kingal rabi ka tntuyan na mgrebu de, nii daha shetur tibu babuy di. Bobo na dungal, ini daha tduwa mege uuqun, qdalan daha gamil qhuni ma gamil sperih nanaq. Ma so nii, eyux daha ngalun ptuting laqi ka rseno nii, kika qrapun daha ma plixun na dungal, netun so ini sruwa de puqun daha denu mesa.

Ye wada mkpiya ali ka hnteran daha hini ka rseno nii di, ga msange taqi kana ka alang mqedil ka ciida, mkela ka rseno ma wada na asi qreti ka negul. Inu dungal, wada gmruus sliko qduriq alang ka rseno hnteran daha nii di.

Ma niqan kari mesa, mosa hiya rseno we moda pqerac mesa, kika kcugun daha riyung ka moda hiya. Ma niqan uri, netun qduriq de sdrapan daha dnanga na bngehun ma quyu denu, netun so qnyutan na bngehul dige, ini beyo sklaan ka rseno kii mesa.

Kika qnrapan daha rseno meyah dehuk alang nii de, meyah lmawa seediq alang ma msseli pprengo mmaha kmciyuk alang mqedil hiya. Kiya ka wada daha ssaun hmudur kana alang daha, bino msngari qbulic snqmaan ma uka qqtaan ani ttiquh kana qbubun daha, wano naq hei quyu ga sqerun hii di mesa.

從前有一個部落的人，部落居住的都是女性，沒有男人，她們不吃飯，只吸煙霧。

有一次，有一個男人上山打獵因為迷路而經過女人社，看見女人們擺了許多米飯，心中非常的高興，吃飯時也毫不客氣的走過去，用手拿起米飯不斷的往嘴裡塞。未料，一早起來發現自己被關在豬舍裡，之後的三餐再也沒有之前的待遇，只給樹根和草根。

原來女人社把他捉拿是希望為她們生下一個孩子，她們就會放他走，但是如果男人不願意留下來，就會吃掉他。

  過了好幾天，一天晚上，趁女人們晚上休息不注意的時候，趕緊割掉繩子而逃離，再度回到自己的部落。

據說男人走到那裡都會被捉走，所以人們很害怕經過那裡。如果有人逃走的話，他們會派遣她們養的土蜂、蛇去捉他們，因為那些男人被土蜂咬了之後，就很容易被追上。

之前曾被捉過的男人回到自己的部落以後，召集族人前往女人社，把她們部落全部燒毀，但灰燼完全不見她們的殘骸，只有許多的焦灰的蛇。