朗聲四起

mai tu lanas ay hibangan, melusit iku tu leppaw, Raynguan ku tu quni pa iku melusit, mai iku tu kenasianeman, qatiw pa iku seni ya? mai iku kasianem qaya, wanma ngid qatiw taytayta tu qananaman ku ay lazan tiyam ya anem ku, ngid tayta pasi ezan ti ya qananaman ku ay lazan tiyam, uu pasi mai iku maken mesuppaR tu naquni ya tuqay zau, qatazay iku tu niana setangi deddan. ta ngayaw deddan yau ussiq sikawman na ta sataytan semanu “mai isu tu anem ngid tayta tu niana, qawka qatayta isu qangidan su tayta ay,” wanayka, mai nayau anem ku, azu mai isu tu anem ngid tayta, niana lusitan su.

melizaq iku paqenanem qalalazan qatitiyam semaqsaqay, ngid iku paqenanem mai tu lazat meRusiR simunang anem ngid qunquni, ngid qatiw pasani matiw ti, ngid tayta tu niana matiw ti temayta, ngid qunquni wiya ti, ngid qan tu niana qeman ti, niana zin na ’daq temayta kidada na, niana zin na ’daq sikawma uu mippes kidada na, ngid iku tu zau saqabian tungus ku ay deddan. taytan ku yau niqudu na ’daq adam, paRitan na ta tanganan na tiyam, suppaR qeminunung tu lazat sikawma seRay babuy na naung mazemun pa labang tumqez, temayta iku tu tatezuma qenaRubatang na ay sining, kaying, laziwan ku mazemun Raysusut ay lazat, temayta tu kemungkung

ay kaying, semaqay ta lazanan matazay iku tu ta zuman lawlaw ay lazat semaqsaqay, yauqaya ci li kua la zin na sikawma Raynguan ku niana zin na sikawma, kemilim iku tu tatezuma nengi ay Ribang sakiningan sanebian, qanengi Rasan temanan sudadan ta tu qumni tasawan qumni bulanan qumni deddanan, tanian meRasa. mai iku mekala tu tatezuma ay sakiningan sanebian, pasa ngayaw iku muman semaqay, mekala iku tu ussiq tatezuma mai iku quman ay qaqanan, pilay ti ku semaqay qaya, meRasa ti iku qeman, taytan ku yau zaqisan pasa tabay ay nasan, mazemun lazat ta nasanan yau miRi ay yau madded ay, dasam kidada na dasam zin na anem ku, qatuRias iku madded ta zaqisan, pasi sebi ti iku uu maken nengi qanan, bisuR ti iku qeman, pilay ti iku qaya, ngid ti iku qaynep. qaninanan qalizaqan ku ay ussiq deddan setangi, simunang paqenanem kemilim tu qangidan na anem ku temayta, tuRuz na tananan ti zin na anem ku.

沒事的假期，走出家門，沒想過我的目地是哪裡，我也還沒想好，只是想用探索的心情，最近有一句廣告詞：「不期待什麼，才可能什麼都看得到。」

我喜歡一個人逛街，自由的感覺，不必在意別人的喜惡，不必忍受別人的評論，屬於自己的時間。或許我可以找到難得的紀念品。 繼續往前走，我發現一個從沒吃過的東西，我高興的買下，坐在廣場梯子上吃，吃飽了，累了，也想睡了。寶貴又美好的一天，一個人悠哉的探索，去體會的心情很棒。