朗聲四起

melipay nani palalanan ku seRay suani iku ya qalizaqan ay deddan, ta melipay taRbabi na qanengi masulun tu tina matiw ta pababaliwan tu tamun meRasa tu tamun, aiku seRay suani ku manmu tu tina ku misis tu niRasan tamun, panmeng ma bula tu kelisiw tina ku. semanu tina ku qaya, wanma ta melipayan simunang aizipna meRasa tu tamun, yau lazat manmu misis tu tamun simunang ti aizipna. paqanas imi semaqay kintulu, yau imi pakungku semaqay, azu mai qaniz sasikawman niaq. aiku seRay suani iku ta melipay meRasa ti tu tamun simsuqas ti imi tu niana kenaw ’nay, uzusa nizu sinanang tu kenaw, niana qenaw ay, yau ussiq kusay, zau utulu tamun ngid qasasetaR, temuzus tu tangi Raynguan niaq pama niana kenaw nazau ay, mayni ya kusay, Raqana ta pabaliwan tu tamun baliw tu tamun ay lazat, niz ti mesuppaR tiaimi. yau temayta tu tamun tina ku, yau simtawik tu baliw tu tamun ay. ta melipayan aiku seRay suani iku qanengi semanu tu tina ngid qan tu niana tamun, qanengi nantungu semanu tu qangidan qeman, nizan na tina ku meRasa, temanan Ramazan na paqan timaimian, melipay mai melusit semaqsaqay yau ta leppawan qawqawman malizaq imi tu melipay.

yauzuma temayta imi tu niRamazan ti qanengi qatuRiyasan qeman ay qaqanan, ngid imi qan, sanuan niaq tina ku, nengi ti imi yau semaqay yau qeman, yau niRasan niaq tu qanengi saqaqanan ta qemadanan qaya, maken qanengian na qenabinusan. pababaliwan tu tamun nani ta ussiq maRung ay lazan, babaliw tu naququni ay tamun, Ribang, usisiqan niaq tumqez temitita, niana baliwan na, pataz matiw ta pababaliwan tu tamun, tatezuma nitaytan niaq tu nibaliw na Ribang, yau a nibaliw na Ribang mai imi tumayta ay, Raqana melizaq imi masulun tu tina ku matiw ta pababaliwan tu tamun, kulisengan niaq pababaliwan tu tamun semaqay, kemuliseng kelisa ussiq dukian. azu ti semuRap undu tu ussiq dukian, yauzuma Rayngu masulun suani ku, yau baliw tu tamun ay lazat mipil timaikuan, manna mai masulun qaqa su setangi deddan zin na, ipilan ku qayRuzik anem ku metawa melizaq, qaqaqa ma suani ku taytan na qaniyau, suani aiku ni! puliya, maipil na suani ku, azu ipilan na qaqenut ti anem na.  

每星期日是我與妹妹最高興又期待的日子，早上可以跟著媽媽到菜市場買菜，我與妹妹負責點菜跟提菜，媽媽只負責付錢。媽媽說她只有星期日買菜最輕鬆，有人幫她提菜。

我們三個邊散步邊聊天。每次跟妹妹爭是蔥、蒜、韭菜，所以市場的人幾乎都認識我們。我跟妹妹可以各自點想吃的菜，媽會煮給我們吃。看到現成的小點心，也可以邊走邊吃，買下午的點心，真是一大享受。有時妹妹無法跟來，還有菜販問我，姐姐今天沒跟來唷！原來妹妹看起來比我老啊！