朗聲四起

ta hibangan qalizaqan niaq saleppawan ay nani temuqaz tu naung, mai tu hibangan mai tu lawad ti tama, setangi menunu hibangan deddan, pawRat hibangn ti tama ngid tuqaz tu pitasaw nituqazan niaq ibabaw ay naung na yangminsan cisinsan, yangminsan nani sasaqayan na ta taypakan ay lazat nengi ay sataytaytan semaqsaqay, temuqaz aimi saleppawan qaqelisa nani melizaq ti Raingu ti lapusan.

nisanuan ni tama tu tuqazan tu naung mai ma nengi deddan, wanayka qawqawman mai basaw anem niaq ngid tuqaz tu cisinsan naung, aimi saleppawan kinsepat nantungus imi qemaway tu qalizaqan niaq ay qaqanan zanum qapa, situnun pama ti tina, zau nani aimi saleppawan temuqaz tu naung qawman mewazing tu saazasan niaq ay Raibang, tina ku situnun, nayau pitasaw pitemawaR sasenipung naung na yangminsan, pataz lamenumenu melanay na, senulal sukaw saqayan lazan na, semaqay tu kikiya tumqez imiR R, semaqay tu kikiya tumqez imi temayta tu taqatian sumRuz ay, tepuwaq ay simau uu qeluqut, pulaw, penay, adam, pelinglingaw, biyat, naququniay tulis na, semaqay tu kikiya tumqez imi maRaw tu libeng na naung, tatezuma simqenna taytan leppaw, nipaluman tu nianiana, saRumzang imi temuqaz tu naung, wanayka azu inengat ti izip niaq, azu masulun tu Rumzang mawalin ti dasam na izip. ta lazanan qalalazan temunuR ti tina tu satawaRan semaqay, timangu ti tina mesuRaw ay.

maseq tu tekituk na naungn nengi ti deddan, maRaw ita pasamedaud zin maqayta ta libeng na naung simqena nianiana, yau qaya kiya lanem siyupan na bali masulun tu bali ta batadan na naung melaziw ta ngayawan niaq, maken kitut aita lazat, ta aimi sapeppawan temuqaz tu ibabaw ay tekituk na cisinsan maseka tu meqeseR na waway niaq, mai imi sanguyan temuqaz tu tekituk na naung, ta tekituk na naung qeman, maRaw temaytayta, qalizaqan na anem, ipilan ku semanu ti tama ti tina, “ mai ti qenapilay na kelawkaway, qalizaqan na anem ”.

temuqaz tu naung niana ’nay mai tu niana, semaRuR tu naung mai pisapatan, semaRuR tu naung siqatatani mesusuRaw ti tina, tuRuzna kawitan na ti ni tama semaRuR, seRay ti tama matebes na ni tina mesuRaw, Raya luzit na, maseq ta libeng na naung, mezukat sikawma ni tina, muman si qawtu pa temuqaz tu naung zau muman.

假日家人最喜歡的是爬山，我們每年都會去爬七星山。

決定要爬山的日子，天氣不太理想，卻澆失不了爬山的心，我們各自揹著喜歡的乾糧、水、雨衣。媽媽手上還拿著拐杖，這條路陸地濕滑，走走停停的，看看野花或蟲、蝴蝶、蜘蛛、鳥、瓢蟲（金龜子）、青蛙，有各種顏色，每爬上一小段路，往山下眺望，所看到的風景都有不同的美，每爬上一小段路，就停下來往山下看，山下的家及所種植的植物非常的美，雖然爬得滿身大汗，卻感覺身體減輕不少。媽媽一路提醒我們走路要小心，結果滑倒的竟是媽媽。 

爬到最高峰時天氣好轉了，遠望更可看到山下的風景。人是那麼的渺小，爬七星山對我們家來說，最具挑戰性，卻也爬不膩的一件事。在山頂上野餐、登高望遠看風景，聽到爸爸媽媽說：「所有工作的疲憊完全沒」我也感覺大快人心。

下山路滑，媽媽一路上跌了又跌，最後由爸爸牽著下山，連爸爸拉著也跌，跌得滿嚴重，最後還冒出一句話，下次再來爬這座山。