朗聲四起

na punpusanin cak ni tu pasadu tama nak, maqa ni tu sipungulan zaku ka cia ki hiku’ cia.

tudip tu minmakazhav va diqanin, mudanin na qudasno’az, mastan maqanimulmul la is’ang, maskakiv va tama ki sinkukuza cia, minihan cak kaku’ nak, munhan dangi’an tama nak nataskun cam mulumaq, kahanin dangi’an tama, sadu malqaqalmang nga qemangsut han bukzavan, tinliskin cak qudasno’az, matemil la is’ang muqaqalqal la usaq han mata. tupa ka tama tu ”mopin ni mopin, katu macalpu heza’ cia diqanin na sindelaz”.

kalumaqin aminun tama isbaliv va sindenpuc kim han lumaq, mavai’ang tupa, simulang cui ikma’e’un masatu qudasno’az. maqanimulmul la is’ang, tis’uni’ udanan qudasno’az musu tu uka’in cia tama ka kukuza’un, matu tunganin na sinkukuza ki qudasno’az, namunhan na tama Nancing moqnang kilim kukuza’un, namucoqesin amin cak munhan kaku’ masipul, taskun cam mudan.

matu kahanin Nancing , i ita’ang cak mal’u, kanlabingin mudan, opa na heza’ cia tama ka sinkukuza, petupakin cam mi tama tu, nani niap masatu’ zaku, kilim ma tama tatini’ saqalan cia namasatu’ zaku, unisin na miliskin na tama, ni tupa ka tama masidu is’ang , lavi tupa ka tama masatu’ zaku, altupa tupa’un zaku tu azaqa’ ni tu masatu’, tupa ka tama tu ni tu malau. mapusanin na qamisan nak tudip.

Tundaza’ cam qatu munhan tansipal, munhan pandudu’an kisia’. mabaliv cak kipu’ cia tama ka sepuk ki qemangsut, opa madia’ a qemangsut , nakilim kadangaz ancaqan, kas’ang cak tu mastan cak tama mateklac, na asa cak siqalav tama pabazbaz, nanu’in na tama qanaqtung pabazbaz tu na pia cui, satu’un cak tama mundaza kisia’.

kilim naip antahan hilav va pangka’ nalongqu’an, pasapalan zaku ka pangka’ i sinpa’adas cia uva’. tupa’un cak cia tu ”sadudu han dantun”, sadudu maca maqmut na’iskazhavun. tupa’un cia ka iskalunan tu ”sadudu’i cak han dantun”. muaz cak matamal tu muaz epun tis’unin cui, muaz song maskalun istun, uvaztikicang qa cak tuna, ni qa cak maqtu anak’anak!

maca iliskinun zaku lopaku ka tutuza tu matemang dengaz cak.

我不能忘記父親的背影。冬天，祖母死了，我從跟父親奔喪回家，見著父親，想起祖母，不禁流下眼淚。父親說，「事已如此，不必難過，天無絕人之路！」借錢辦喪事。喪事完畢，我與父親同行，我們過江到車站，行李太多，要請腳夫幫忙。他講價，我那時真是聰明過分，總覺他不會說話，定了價，送我上車。

父親囑我小心受涼，又託茶房顧好我，我暗笑他只認錢，託他是白託！這樣大年紀，還不能料理自己嗎？唉！