朗聲四起

a itulutuluwaen ta kukumingakku, saliyalim a’emasi’adjamadjaman a patjesalilim sa’amaya ta sengsengan ti’ama. a sitjumaqan nimadju iqilja mata aituluwan ta laqulj nimadju, au, izua a maqevaqevav ta vaveci’en. nu aiv amen maqati a ljemengeljeng tjaimadju, ljaua ayatuwa iniyapusalu ti ina a maljavaljavar nu ema’an amen, avan nu madraudrau tu qemelaqel a si’anan, sa apala’e a inacavacavan, avan nu niya si’a padjadjeli a patatideq ta a’an i cekuy, a maljavar tu ita tu drusa ’a’aiyan.

u paqenetjen aza ’a’aiyan ni ’ama, “ saigu sun ta su ’a’ituluin? ” “ izua pacugan a kungke? ” “ nu izua su pina’asareuya i varung tjumalji a’en sa’amaya. ” tjalja tjenglaya a’en a ’ilangengda ta vilivililjan a ’ay. malji i ’a’edriyan anan a ’en, ljauwa “ a pina’asare’uya pinivarung ” liyav aravac. saljinga ’en tu izua na semedjalu a ramaljeng tu paseqeljing tucu a ’u pina’apazangal a pacugan.

nu ma’a’an, tedep anan ti ’ama ta ’a’ituluwan. salim a ’en ta ’u vaveci’en uta, ljauwa iniyana patjeza’e a ’u vinarungan. ti ’ama ne’a nu zikang tu maljavar a men ta salimanan, a ’u suqelaman, tjara pinucugan anga ni ’ama.

nu si’adrusa qadav a ’adjamadjaman, tjemaulaula ti ’ama ta tigami pita ’u cekuy. azua, vineci’an nimadju nu qemacuvung anga ta sengsengan nu salilim a vengin. sinipacuru ta iniyanan a maqacuvung a ’ai nu ’ema’an a men, situlutulu ta ’u pina’apazangal, sa tule’an a’en ta djalan. sa’a avan a ’u si’igaljuan a pacun, tjenglai a ’en a pita ljavac na sapitj, sa ’u ’isupuy nu na sem’ez a ’en ta itulu i kungke, kenamaya ta lemangdangda ta ’ai ana semedjalu ni ’ama.

小學時，父親工作忙到晚。一回家就進書房趕稿，只在晚飯時才出現，母親不希望父親忘了細嚼慢嚥壞了身體，我們只能交換一兩句對話。父親常說「心裡有難題儘管告訴我。」我年紀還小，但「心裡的難題」卻不少，飯後父親進了書房，我忙起功課，心裡總覺得遺憾，但父親注意到了。第二天早晨，書桌上有封父親深夜為我寫的信，那是飯桌上沒說完的話，我為了細細地看，會把信放書包，利用休息的時間讀信，就像聽到父親親切的談話一樣。