110 年全國語文競賽原住民族語朗讀 【中排灣語】 國小學生組 編號 4 號
namedrail a’a’edriyan

alja’ niamadju. aicu a’a’edriyan ’i’asiinu a na’itjauci’el tua nu qemuin a vat na tjingkuy sa’esai, meqaljemeqem a paru ta zarami. savai’ea ’emavulj ta ’ina tu pavayan ta tjaljayan na tjingkuy, manu tevelain na ’ina a mayatucu, “ awa izua ’u vat na tjingkuy, sau vai’u a matjai su vuvu a ’ivataq. ”

pasusuan a’ai na ’ina sa vai’ a ’emavulj ta vat na tjingkuy a matavuvu a vavayan, ljauwa tjumaljan na vuvu a vavayan a mayatucu, “ avan ti tjama a izua a vat natjingkuy. ” sa vai’ a ’emavulj ta vat na tjingkuy a mata ’ama. ljauwa, mayatucu a ’ama, “ ’ipa’imi ti sukaka, tjara izua a vat na tjingkuy nimadju. ” sa, vai’ a mata kaka, sapapaulingavi a kaka tu sine’auljan na ’ama timadju a ’emavulj ta vat na tjingkuy. azua a kaka ta lemadenga ta ’ai nimadju, nasaljivalaw a mudingan sa tevela, “ tua izua namaitazuwa nemanga nia’en, paljiljii ti ’ina, tjara izua sa’amaya a nimadju, pai lja! ”

sa vai’ a cemi’el aza timadju a ’a’edriyan a mata’ina. manu avan a sidjauljan ta ’emamaljiyan na ’ina, sa’irivu a pasizangal timadju a mayatucu “ nu ne’a i ne’a,’umaya tu su si’aqutjaw aravac, ti sise’ulungan ti gunggungan! awa sun a venalid aravac a mangtjez a ’emavulj tazua a vat na tjingkuy? ”

ta’irivuanan azua ’a’edriyan, ’ivauvalj a masirumaljiyan a qivu, “ pay ’emasitucu tja nanguaq a palaing anga a ’ivadaq nuri izua ’u ’inasaljianga a nanemangamanga,’isavut anga ’en a cema’av! ” , sa semeljudj ta siqunu sa vu’evu’e ta djilj nimadju. manu, aza naparavac a a ’a’edriyan masan drail i sauniuni. sa’a drail tucu tjaljatjenglayan a ’isavuta a cema’av ta nemangamanga na qaliqali, avan cu ’inasizuanan cu a tjauci’el.

 

 

 

110 年全國語文競賽原住民族語朗讀 【中排灣語】 國小學生組 編號 4 號
孩子變猴子

有戶人家有個頑皮的孩子。這孩子聽說只要把南瓜子搗碎煮一煮,便會甜如砂糖,於是他向母親索取南瓜種子,他母親說:「我哪有南瓜種子,你去向祖母要好了。」

孩子到祖母那兒去要,祖母說:「你的父親才有南瓜種子。」接著孩子便去向父親要。父親說:「你去找哥哥吧,他一定有。」

於是,這頑皮的孩子就到哥哥那裡,向哥哥說是父親讓他來要南瓜種子。哥哥說:「我沒有那種東西,你去向母親要好了,她一定有!」 

因此,這孩子再度到母親那兒去請求。這回母親生氣了,大聲斥責他說:「沒有就是沒有,傻瓜!你怎麼一次又一次地來要那種東西?」

孩子經這麼一罵,心中氣憤難平地說:「好!以後不管是誰的東西,我都要偷!」生氣之餘,他抓起了刀子就往自己的屁股刺進去,頑皮的孩子就變成了猴子。現在的猴子可以說最喜歡偷吃人的東西,據說就是由此而來的。

文章資訊
文章年度
110
文章編號
4
文章組別
國小
文章語別
中排灣語
族語標題
namedrail a’a’edriyan
漢語標題
孩子變猴子
文章作者
廖金鐘
漢語摘要