朗聲四起

kanta iyavaawan kani i punapunan na cikiw mu, ula a sazu a marekamelrimelri a harammhaman zi na vavaawan.

na kakamang ta ina’uwan mu, ’azi masaresan. na kazu i ruma’ i ruma’ savak mu, kamawan za lritra’ nu mukepelr kana liveng, nu mutani tu wala’ mu, kazu tu lralrak a kakitengan kamawan za ’ivaverang mena’u ta mu, kunamuni tememesi pinatray zi ta idapay ’aziya sazu a wala’ kanta i savak, nu mena’u ta i savak mu ’azi lra milritra’ zi ’itrelas lra.

i savak kanta ruma’ nu sazu a kakamang mu kakaukauz kamawan za tu kinazuwan za viruwa.

nu mukuwa ta kana sinasaleman kana ’aputr zi na padurina’an mena’u ta kana kakamang lemalawa’ mu, salaw vulay maw mu, iniyan za trau za sahar pazuwa kanatu sinasaleman na ’aputr na kulang lra nu kazu na wala’ mu, tu tapesi’ay za patremel pinanatray pareput, nu melri mu, tu kiyuaw kana kawi remanak kanantu wala’.

i kawikawi mu ulra a kirekamelri na kakamang purma’izang zi mivalravalrayan kasa kana vulay ’azi maw maw vulay atu linawa’an, tu linawa’an na wala’ i itras mu, kamawan za ulra tu vinalray a valraka, na kakamang, “semangalan za nu izazuwayan” kema.

nazu na ’uled mu, mena’u kanizu na valray mu, muvii mukuwa kemepelr kana wala’ izu na kemayan i pazuk kana wala’ na kakamang mu, payas mukuwa tu kanaw izu na ’uled. ini mu maw nantu wala’ na kakamang tu dinaway na petrir kana ’uled, nintaw kiyanatrayan na ’uled. ulra ziya sasaya tu mawan na kakamang mu, maw na maakan kana ’alralripis. paka’inava kanata ruma’. na ’alralripis mu, maw na mudadanin za kuwallengan kanta na kemani na kakamang mu, mau na paka’inava kanta maku.

在我們生活著的地球世界裡，充滿著各式各樣的動物、生物。這裡我想說的是蜘蛛，蜘蛛也有很多各式各樣的樣貌。有住家的也有在野外的，身形有小也有稍大的。家中有蜘蛛結網看了不衛生，身上碰觸到會讓人不舒服，且感覺住家像鬼屋。到花園或菜園，沒有人喜歡牠到家裡的花園菜園張掛牠的網。