朗聲四起

Kana ka seejiq tnpusu Taywan ga, ida niqan gygaya dha nanaq kana. Manu ka Seejiq balay o niqan ka gaya ptasan dqras ksun, asi ka ptasan dqras kika hici do maa seejiq balay da.

Kiya ka kiya ni ptasan dqras dsnaw ni dqrijil ksun o ida ini ktna ka pusu bi nuda dha seangal dha ptasan dqras wah! Dqrijil o asi ka mkla tminun, kika tduwa ptasan dqras. Dsnaw o asi ka mnangal tunux pais ni mkla musa lmiqu, kika tduwa ptasan dqras.  

Quri saw ptasan dqras snaw Seejiq balay ksun ga, msa ka kari rdrudan alang  “ Rudan seuxal o asi ka mnangal tunux pais, asi ka mkla musa lmiqu,  kika tduwa ptasan dqras.” Ida gygaya rudan sbiyaw ka mangal tunux pais. Ana nanaq sbiyaw, ana nanaq sayang o ini ksi naqih ni malu ka uuda nii, yaasa pusu bi gaya Seejiq sbiyaw ka nii.

Babaw dxgal Taywan o niqan egu knklgan seejiq, ida mkppais balay ka dhiya sbiyaw. Mniq ddgiyaq siida o yasa ini pkkla, ida niqan nanaq ayus dha, ini khmuc musa mrmux nniqan dha. Nasi kmhmuc musa mrmux nniqan dha do asi ngali tunux. Pusu dha balay o gaga qmlahang nniqan dha, ndxgal, qnpahan, ddupan, ddgiyaq, qqhuni, eyeyayung ni eyeayug dha… dnii, ida dha qlhangun balay kana wah! Ini saw sayang pqqita balay, pkkla ni msblaiq balay kana ka seejiq babaw dxgal Taywan da.

Kingal duri o asi ka mkla musa lmiqu, kika tduwa ptasan ka dqras snaw. Sbiyaw o mniq ddgiyaq ungac saan marig uqun, asi ka smtama dsnaw musa lmiqu mangal smsamac, kika niqan uqun ka tnsapah, kika tduwa mlutuc ka knudus ksun. Musa lmiqu o asi ka niqan pahung, mdrumuc balay, mgaya uri, kika mangal bi nsaan dha lmiqu.

Kiya ni ptasan dqras ksun o ida niqan dha ka pusu na balay gaya. Tgkingal o ida gaya bi rudan Seejiq sbiyaw ka nii, kiya ka pgkla sjiqun “manu balay ka pnskraya na Seejiq balay hug?” Tgdha o maa tghdu bi kingal seejiq dni maa risaw balay da, kika tduwa mangal qrijil dni tduwa phiyug nanaq kingal tnsapah da, plutuc knudus seejiq ksun.

賽德克族是擁有紋面的民族，男的要獵獲敵首成功而歸，才能獲得紋面的資格。紋面的意義大概有兩個意涵，其一是祖訓(Gaya)在宣示標記；其二表示已成年可以娶媳婦。在以前的年代裡，不同的族群相互為敵的，當雙方對戰時，賽德克的祖先一定會戰到獵取敵首，這是他們捍衛部落的決心。

「捍衛部落」是指賽德克族所治理/管轄的廣擴土地、獵場、山林及河川，不容許他族侵入，但我們不會隨意攻擊他族，除非他們先入侵我們的領域，我們才會反擊。