朗聲四起
Malrilrigilinga marasikay ki nagane kay Ngudradrekay, thathatha ku nguakay ki nagane ki umaumase, makucingalre pulringalringaw, ai, luthingalenga su, lrikadalame su, lrikalrulrupi su, lripakaduaynga su silape ki laumaumase, lrikaisu pasamali si kiulrakay kipulrivale kikasamadre.
Saniange kikay tapabalrithanenga kay suabadhanane kay lanagane, makucingalre nawthingale iya, asiluiyane, ku tangeangea yakay lusalikadrusa ku nagane, lumathaetharevenga lakamakakalra ku kiapabalrithi ku nangane, lamia ku lanagane ki lalake ki laagaagane, kaidu watingale ku aneane ku tayaneane ku lalake ki aneane, matialrulrupi, laitumane madu kudra kakudhaneta, lakisamula madu nawthingale iya si drima ku talragi ku laali su.
Kay nagane ngimiayaiya kikay, kialalra madu kuini ki suanange, lapaaswala sawvalay ababay iya, alathingale ka lakaukawlu, ka talialaalay; kay lakaukawlu maduay, amani kikay talialaalay ka kialra madu, kuini nagane ka yatavanae, ka talialaaladhane, ka taagiagiane; lukaisu thingale ka aneane, tayaneane laiya madu, lukaisu thingaleana ka aneane, waaneanane laiya, yakay ku apangimiane madu si aruthingathingale, lakamani kikay apulringlringavane ki lanagane, tinukucingalrane turamuru, lamadha sidreadrekase, tarakisamula kibulru lrikiraragay su.
Lasiaaneane ku nagane su, manemane ku pathareavane, aneane ku suanagane, madaleme su? Siaaneane ku talragi su? talialaalay? lakaukawlu?
Lakatayaneane numi? Ku lalrituatudranenay amani kikay tay Aruladenge, Thapaadrange, Ibange, Savalru, Thalimaraw, Madaralape, Thudalrimaw, Tarudralumu, Lebangeraw; ku umu singi Rusuasudramane, ku Kayngu singi Tarudrawdralumu; lakawarusudramanane si walebangeravanenay ka tay Madaralape, takalra turamuru ku laretesanenay, madalamaku liniane, lakakalithi naiyane makanaelre.
魯凱族的名字文化豐富，複雜到讓外籍人感到不可思議。如同進入迷宮。必須學習辨別人名、階級和家名。名字是一個前往魯凱人際關係的通路。明白了就好辦事。
這些男女的名字，貴族平民的身分，親戚朋友的名字，甚至家名，妳就可以心安理得的享受人際關係，網路上的樂趣秘密和尊貴。