朗聲四起

tagacak na luling ga, kelan kutux ka tu’uy bale’ ma’iṟi lu yuyuk, unuli’ cika hisyu musa’ tehuk mumaṟah ni’ yaba’ Makaṟu’. sa’aring moṟow maskakiy tehuk Makaṟu’ ga, maha’ haṟi’ utux wagi’ paskakayan. maskakiy min ci kaca. kumaṟal ka yaba’  “Yuma moka nel su’ taxan na roṟi’ yahu’ na tu’uy batakan hani’ ga, pinmuhi’ mu kora’. makahi’ rali’ laga anak mamu galun” maka yaba’ mu. ye wal haṟi’ cacka’ na tu’uy pinkakayan la. taxan ka yahu’ na tu’uy ga, kelan ka pinkakayn papak wal puhuṟaw tehuk luling. kaca ka halan mu pare’ ci ṟapiriy yuyuk cu.

wal wal ka papak min, “ amol la bale’ su’ mana’ cacka’ na tu’uy? maka yaba’.” hirelan mu ci cel kumaṟal iman? taxan mu ga, talagay! kuba’ nak kuya’ mahutang! makalux ci yaba’. nel bale’ macaruw makuhala’ ka waring ni. yona maha’ as kat caminan. “Yuma, satuhya’ haṟi’, ṟakah ka mahutang hiya’ , ba’ pari’ ci ci’uli’” mi yaba’. ukuna masinhayuw malahang ci kahuni’ pasiliy ci mahutang ka yaba mu. inu’ minoh cu bukuy mastaṟil tatalan galeng ni’ yaba’ sumiliy cika mahutang. mingkux ka yaba’ mu! as nahaṟi’ moh gunluw pakaruw ci mahutang. kumaṟal ka yaba’ mu “ iya’ icaca babuw ni’ la!” sun cini masang. yaba’, ini’ cu kangungu’ ci kuya’ kung sun mu ka yaba.

patehuk haṟi’ Makaṟu’ laga, kelan kutux ka baling sinbale’ ci a’awah na use’. baling hani’ ga, insalan mu tutux, minakung ci gahṟa’. ṟik na baling ga payux ka ṟakarit cel tanmoṟow ki’. iya’ usa’ ṟik ki! kakaṟapun su’ na amutux la. yonani sunngungu’ kinang ka yaba’ mu. ba’un mu ke’ ni yaba’ mu ga, angungu’ cini mulu’ ci ṟakeh na insa’. kuṟing ka siksa’ ni. tehuk min Makaṟu’ la. wal yumuw ci amegucu ka yaba’ “hali mu matox ka katu’ mu hang, ba’uw ta’ tunruṟi’ ci anamol?” ma ka yaba’mu. ma’as cu matatalang musa’ lumamu’ ci ṟiluk lu lalisiy syaw na nasali’. ini’ kabuse’, nel bale’ rumili’ ci olit ka yaba’. ma’as cu matox ci olit, pakani’ cu ci inxayan na olit la ong sun mu ka yaba’. bale’ min mapapase’ nasali’ ki. lunlungun mu micuw ga, sungkakaru’ caṟung ka inohan min ci yaba’. nel as aki’ tunux mu kora’.

河的對岸有條小路，延著水圳走就到Makaṟu’，路的下方有條小路直接通到河流，那是我常去抓蝴蝶的地方。走著走著，一條又黑又粗的眼鏡蛇在路中央，好像要將我和爸爸給呑下肚，我手裡也拿了一根粗的木棍往眼鏡蛇身上打，爸爸說以後不可以這樣。

即將到達Makaṟu’，水圳旁有個隧道口是引水灌溉用，終於到了Makaṟu’，爸爸換上雨鞋說：「我去看看陷阱」沒多久，看見爸爸手上拎著小田鼠，回想起來很有趣，非常懷念。