朗聲四起

I a:yaw, ira koya cecay a mato’asay, ano talacowacowa^ to cingra i, caay ka eca^ ira ko nihawikidan ningra to cecay a kofoc no simal. Ano matengil ningra ko pisangeri’ no sasa’edef no loma’ i, pasimalen ningra koya matayi’ay a marad. Ano paliding to, ano kosali^ to, haenen ningra a maemin a mipasimal, orasaka, malo sakacaloway no fiyafiyaw a mimaamaan.

Na matira ko demak niira, saka ciapa^ han no tamdaw a pangangan, nika caay ka sawi^ ko faloco’ ningra. Maemin to ko cecay a kofoc i, paroen ningra; maemin to i, paroen haca^ ningra….

Ma’orip ko tamdaw itini i hekal, adihay ko malitemohay nangra a fangafang, ira ko nikacacoli^, o ngaliwngiw, ma’a’inap… O sakamatira nangra haw i, o nikacango’ot to simal no sakalipahak, masasingodoay, masasipa’ayaway…. Iraay ko matiniay a simal i tatirengan no miso haw? Ano ira haw i, nanay hawikiden iso to romi’ami’ad, palada’en ko laloma’an iso ato idang iso.  

Alatek palada’en iso cingra to dafak, maedeng sakalipahak ningra to cecay a romi’ad. Ano pasimalen ko matoleday ko faloco’ a tamdaw, alatek o cecay no pa’icelay padihkoay a sowal, malo sakanga’ay no harateng ningra, sakaci’icel ningra a ma’orip.

Itini i kiwkay, kinapinapi:na^ to ma’araw no mako ko wacay no painiay a salikaka^. Cecay tera’ no simal no aday^ay no kawas i, o sakasomad no faloco’ no ‘atekakay ko faloco’ a tamdaw; cecay a sowal no pa’icelay a tamdaw i, o sakaadah no doka^ no madokaay ko faloco’ no tamdaw, matiya o paka’araway cingra to likat no cidal i to’emanay a tono’. Haratengaw ita, hacowa^ ko kakaraya’ no ‘orip ita itini i hekal saw? Papina^ ko tadaidang no miso i hekal saw?

Ira ko sowal no citanengay a tamdaw, sowal sa, “Ano o maan ko nipalomaan iso i ‘orip no cecay a tamdaw i, oyaan ko nilitodan iso to sapaco’ay ningra.” saan. Orasaka, ma’orip kita itini i hekal, nanay kalimelaaw ita ko nikalalitemoh ato nikalaidang ita to cimacima:an a tamdamdaw.

有一位老人，身上總是帶著一小瓶的油。門上發出輾軋的響聲來，他就倒一些油在絞鏈上。如果他遇到一扇難開的門，他就塗一些油在門閂上。瓶裏的油倒空了，再裝，倒空了，再裝。他一生就是這樣做加油的工作，使其他人得到便利。

生活不和諧沮喪，需要喜樂的油、溫柔的油、關切的油。如果把油分給沮喪的人，對絕望的人來說，可能是願意活下去的動力。最後，以聖經為鼓勵：「你栽種什麼，就收什麼！」願我們把握人生這美好的相遇！