朗聲四起

biru qani ga cyan sbiru qsahuy na smuran Sinsman na ke, biru qwas qani ga nyan sbiru te pusan pitu pgal, cinqani ga qutux qwas na cinrhwanan ryax coni ga lanay ta ppung biru qa pinzimwan qa qwas na Tabite, nyan maki iyik biru na Smuran Sinsman na ke kya, te pusan pitu lahuy, lanay cimu slpux ki qmasux,

Mrhuw Bawiq ga cyax mu, pchut mu, ima qa kngun mu na haw? Mrhuw Bawiq klahang insuna mu, nanu qa lxaniy mu mngunngun la? trang mwah ptyaqih kingan ro akya phnuqil kingan qa mqutih na cquliq ga, knhtuy mtakuy qabax naha la. ana cu slbwan nqa kpiyux lahuy na hetay, iyat cu nbah mngungu uyi, ana mwah ptyaqih kingan qa paris, pstama cu Utux kayal krryax.

qutux yaw nanak psnon mu ki Mrhuw Bawiq, nanak qutux yaw qani qa siyan mu, nanu sga thuyay maki muyax na Mrhuw Bawiq mucing hnqilan mu, thuyay ktayux cnyaxan nya, ro msina ginlasux nya kya, trang mstnaq mu mtyaqih na yaw ga, pklahang kingan, biqan cu nya msbalay sqa qcahuy na mtasaw muyax nya, ro kblequn cu nya ptama sqa mrhuw na rsnat, nanu mica, musa mu slaqux qabax qa paris mlingay kingan. musa cu mqas pngsa qnes sqa qcahuy na mtasaw muyax nya, ppqwas cu trahu sqa Mrhuw Bawiq.

Mrhuw Bawiq pungiy pinziman mu, glwaniy cu cyuk kingan! wayan cu nya kyalun maha “ uwah rehay kingan! ” Mrhuw Bawiq nyan cu la, ta tlqing! ta cu biqiy mehum! ta thmut, ta cu blingiy! isu qa prax mu krryax. Utux kayal, pchut mu, ta shriq sqa kingan, ta cu lxaniy. ana maha laxan cu nya yaba yaya mu ga, klhangun cu nya Mrhuw Bawiq calay.

Mrhuw Bawiq, cbaqiy cu calay siyan su kingan mtiyaw, huluy cu sqa msb’ nux na ryaniq, baha hmcwa khmay calay paris klingay kingan. phtux mkewang na ke ptyaqih kingan ro smngungu kingan qa pparis mu, ta cu bqan qba naha. sntyawan mu maha trang mqyanux cu na ga, musa mu ktalan qa kinblaq hway na Mrhuw Bawiq! tama sqa Mrhuw Bawiq! tnhi, ta koyay! stama sqa Mrhuw Bawiiq.tama sqa Mrhuw Bawiq! tnhi calay Mrhuw Bawiq, ta koyay! stama sqa Mrhuw Bawiiq calay.

本文為聖經詩篇第二十七篇，讚美詩。讚美耶和華。