朗聲四起

I ‘a:yaw, itini i Feranso a finacadan, ira ko cecay a tadamanay, o pakafana’ay a tamdaw ci Fu-el-tay han ko ngangan. Ira ko cecay a mamatayal ningra, fangcal ko faloco’, moecel ko harateng ningra, nika matoka^. Yo cecay a romi’ad, masadak ci Fu-el-tay, saka na ocoran ningra koya mamatayal a papisolac to cokap ningra, nika tala’ayaw cingra a malingad, ‘araw sa cingra toya cokap i, tano tahefod sa, oya ho^ i nacilaay  a tahefod.

Celi’ han ni Fu-el-tay koya mamatayal a mainget, nika ca’of sa koya mamatayal, “ O tahefohefod ko lalan, romakat kiso anohoni^ i, caay haw ka lecad to a citahefod koya cokap iso? ” saan. Ta tawa^ sa ci Fu-el-tay a cicokap toya cokap a masadak. Nika i narikoran ni Fu-el-tay, mafekac koya mamatayal a mitoor, mangalay cingra a miala^ to safohat ko pi’anangan to kakaenen. Nika eca^ han ni Fu-el-tay a tengilen, saka sowal sato koya mamatayal, “ Tapangaw! Pafelien ho^ kaka to safohat to pi’anangan to kakaenen, maan hato ko sakalahok ako? ” saan. Itiya ca’of hato ci Fu-el-tay, “ Idangaw ako! Ikor no tosa^ a tatokian, caay haw ka lecad to a mamasolep kiso? ” han ningra.

Nanay pakayni tonini a kongko^ ni Fu-el-tay ato mamatayal ningra haw i, o sakacakat no fana’ no mita a ma’orip itini tona a masasifoday a kanatal. Ano mafana’ kita a masasingodo^ masasipa’ayaw i, o sakalali’ay to tamdamdaw, lipahak a ma’orip.

法國有一位教育家伏爾泰。他有一位僕人，為人忠厚老實但很懶惰。有一天，伏爾泰要出門，叫僕人準備好並把鞋子清理乾淨，僕人沒有把鞋子清乾淨，還告訴伏爾泰，兩個小時後鞋子不也和現在一樣髒嗎？伏爾泰笑笑没說話，當僕人向伏爾泰索求食廚的鑰匙。伏爾泰：「兩個小時後，你不也和現在一樣仍然會餓嗎？」來回應。

從僕人的角度看，本份未做到，不善解人意，給人一種懶惰無知的感覺，而伏爾泰的委婉的作法，值得我們學習與效法。