朗聲四起

“ lubux ” hiya ga piyang calay kinbsyaq qa mnwahan gmayang na hngiyan qwas cquliq babaw roq; hiya ga gringan na hmali tlbwan. qabax mnaki “ lubux ” qa cquliq babaw cinbwanan ga, nanak lubux na Tayal ru Sciq maki Taywan ga qaca calay piyang, kyaqa knahun qnqaya knlayan cinbcyan ga maki totaw knalay rima ki tnwang ml’ung qa galan hmaliy na lubux ga maki lubux be’ux, lubux saying hmaliy, lux cyugal hmaliy, lubux payat hmaliy, maki lubux pzima, maki lubux tiyu hmaliy, pitu hmaliy, ro maki spat hmaliy nya uyi, hkuy na hngiya’an qani ga garing rroq eta knbawiq hngiya’an nya ga knahul sol, la, do, re, mi. kyaqa hngiya’an nan a lubux payat hmaliy hiya sol, la, do, re, payat hkuy nya

Skran cnqlangan na Ueynan ki Cyukok, ro cnqlangan Cengpucay ga ptnaq maki qa ccquliq na Iiyroku, maki piyux hmali na lubux naha uyi, ana ga squnan naha ro sbhul naha qabax qutux hmali, pisang qutux kopan lubux.

lubux na Tayal qani ga tlbuxan naha mssoya inlungan naha ru pktayux naha qa mrkyas ruqsliq nha, ana bnheci ru laqi ga mtlibux msliy mung qabax. hngiyan lubux, stlubux qani uyi ga maki qa ptgalu ru mkramat ini ga mssiye, pslhax ru pktyux inlungan, kahul qa stlubux nha uyi ga maki sinqqas ru sinlokah ki mqlinga mccyuk tlubux, kruma ga memaw mksobih tlubux mtksliq. ana ga tehok ryax na musa mgaga ini ga musa qmalup ru musa slhax mbahing ga, hnga’ un naha ru ini hmut tlubux qani.

iyat nanak piyux hmali qa lubux skayan naha, maki qutux loyi qa skayan naha lubux Tayal, son mha yugiy na tlubux hiya ga, maki mlikuy ru knerin msqun tlubux ru llequn nha kakay spglux nha ryaniq na tlbuxan qai myugi, kruma hiya ga skahul nha tlbuxan qani mwah pqiyu kmayan ke, ini ga mwah t’ ihung kmayan ke uyi, kruma mlikuy ki knerin ga, skahul nha lubux qani mwah tksliq, mwani qani lga ini thoyay maha cqani laqi kinbahan la.

2010 kawas ga wayan ssbiru sexu qani maha musa blequn smku qa sinbilan bnheci cbalay kinbleqan babaw cinbwanan qani, babaw nya skahul ta rnurux tinqbaqan ta tqbaq qani ga qenah mwah sinrhom qqyanux ta ita Tayal, bleqaw ta mlahang qabax gaga sinbilan ta nya qani.

「口簧琴」是古老的樂器，是「簧笙樂器」的始祖。在全世界泰雅族及賽德克族的口簧琴是屬發展較發達的。就材料區分：有純粹竹製的竹口琴和以簧片取帶舌片的口簧琴：有單簧有一簧、二簧、三簧、四簧、五簧及六到八簧等簧片。

泰雅族口簧琴用於自娛、男女訴情等場合。從曲目傳達訓誡、傳情、助興、嬉戲、安慰、安魂等生活情境。但馘首、狩獵、喪事期間禁止使用。泰雅族將「口說」的內容透過口簧，表達給對方知道。