朗聲四起

aiza dau habasang tastulumah, matazin a cina, kaazin mas tama, uvaazpingaz, uvaaznanaz muskun minghumis. haitu maldaukang a tama tu malusbut hahanup anis munghuhuma. makamadaingin tu uvaazpingaz hai, la-uvaiv mas ana-itucina tu iskuzakuza. maza laupang talsusuus tu uvaaznanaz hai, kaazang mahansiap pishasibang. maupacia malsisialang a sininghumis.

nataunasianin mas Manahtangia, mapalsasanus amin a tacinicini mas anak-anak tu iskuzakuza. nahanup tu mabananaz, nakadavus tu maluspingaz, amina uvaaz hai manaskal mastatala mas lus-an.

masa nahanupin hai, tunanulu a tama mas uvaazpingaz tu: ukain isuu cina at asa tu ming-amu amin mas itu bulaku tu iskuzakuza, musasu pisi-alav a masinauba ma-anu i kamasikitang a saia.

malmananu a uvaazpingaz mapisialsial mas lumah, musasu malusbut mas itu bulaku tu iskuzakuza. kaaz a uvaaznanaz pasisiskun duma tu uvaaz taimazavmazav, pishasibang. aipincin masanmaldikus amin mas busulkavi anis pacingku, mai-aupa sian huma mathazam, isnangadah sian halimudung mat-aluaz.

aupa talpatazun a uvaazpingaz at nii tu mananulu mas masinauba. masa sanavanin, panlunghuin iskuzakuza hai laupang cinliskin tu: isa a masinauba! macinsuu a saia kikilim, tahuan mas paisisiskunan tu man-isa-isa. cis-uni i mapising mais inghaiapun mas tama i nahaungunun, pahasia tancini a saia, maadas mas patus kilim masinauba.

isian a masituhas mas huma malalala, tauhsup sian halimudung kikilim, nautu uka masinauba. makanadidiip a dihanin tu isdumdum, makanadidipp a masituhas tu sidahdah mas bulaku. isian a saia mas huma, halimudung, uk-uk, mapapatus malsiuh, kikilim mas masinauba, maupacia nii tu islulunghu.

maibasin a hinanup bunun, kikilim a tama mas uvaaz, kikilim amin a tastubulaku bunun mas uvaaz, maisicingmut sausian sanavan kikilim. kaaz usaduan mas isian halimudung matamal tu sapuz idiip sandimaldimal, haitu uka a uvaaz ingkaduan.

Sausian laupakadau hai, malmananuang a tuhaspingaz kikilim, isian mas huma mapapatus tu kikilim, isian mas halimudung mapapatus tu kikilim, kikilim mas naubananaz tu na-adasun kulumah.

很久以前，有一戶人家，母親去世，家裡剩父親、大女兒、小兒子一起生活。父親努力的工作，打獵與農耕。家庭內務，就由大女兒代勞，一家人生活倒也過得很好。

射耳祭即將展開，男人準備狩獵、女人準備釀酒，整理家當，小孩子們也都感受整個氣息。

父親出發前囑咐女兒，要參與部落婦女的工作，照顧弟弟。姊姊勤於在部落做的事情，弟弟則跟同伴到附近的田園玩。等到天色將暗，階段工作結束，驚覺弟弟不在視線範圍內，緊張的到處尋找。

姊姊怕驚動部落人而被父親訓斥挨罰，便帶著起打火石出門找弟弟，姊姊在草叢裡呼喊，都沒有弟弟的回應，ㄧ邊呼喊弟弟，ㄧ邊打火照路，要把弟弟找到帶回家。這樣一直持續。

狩獵隊回來了，爸爸在找孩子、部落族人協助找孩子。從早找到晚，只見傍晚微暗的草叢，出現一閃一閃的亮光，但是，不見孩子的影子。
直到現在，姊姊還在田野間、在草叢間，敲擊打火石照路，要找弟弟回家。