朗聲四起

Qabas ang dau ka heza dusa dulpin, ma-aq nengka ka pakasihal tu pakasvala-an, ma-aq a tas-a ka mataqdung, tas-a ka maqehav, daqdaqanin nengka malisihal muskun pistanaqtaq, muskun kusbabai haan diqanin.

Ihaan libus tun a hezang tas-a mano-az tu qazam tupa-un tu quluquluno-az, ihaan libus tun min-uni sasbinaz, ma-aq a dulpin un a daqdaqanin munhaan sasbinaz ta pisvangduu.

Heza tu tastuqani-an, ma-aq a dulpintaqdung siin dulpinqehav a ladaduu ki tatini qaqanup tu bunun ihaan dingalan lumaq nai ta tu bukzavdengaz ta, mansuqsuq tas-a lukis, palsulpakun a madaing tu tavukul, ihaan nastu nastu tavukul a palhaqu-an madia tu tilas, kusbai a dusa dulpin me-opa lukis dadaza malsasailang i Bunun ta, saduu tu nama-aq sia Bunun tun a palkadaan; ni-i tu zaav heza dusa tavila me-opa tavukul ta angqai kusbai, dusa tavila a pistanaqtaq manahip ihaan diqanin kusbabai, mintun is iskadadaza, mintun is iskanastu.

Samuq is tas-a tavila ka me-opa tavukul ta kusbai. Aiu dau ka isia tavila tu kalus siin pani ka sikaka haan tavukul ta, kananu dau mintamasaz tu, na asa mapultav a nanu tu ni-i tu maqtu kusbai. Sadu-an i tas-a tavila ta ka me-opa ta tu na mindangaz dau ka samuq sikaka amin haan tavukul ta, mintatamasaz amin tavila tu, na asa dau musbai ka miku-aq tu minsusuuz a tavukul s misqut.

Maqaqenan a qaqanup tu bunun a munhaan haquqazam ta, damuun istaa ka dusa tavila a madas mudaan. Tinpisingdengaz a ihaan dadaza lukis tu dulpin a, matinsuu nengka musbai me-opa libus taqu ki quluquluno-qz ta. Bazbaz a dulpintaqdung i quluquluno-az ta tu: “Sasbinaz! minsuma in a qaqanup tu bunun a i-iti malhaqu.” “Duuq na mulusqu ata?” Antalam a sasbinaz tupa tu: “Na ni-i tu kua kis, ni-i ata me-opa tavukul ta.” Tupa ka dulpintaqdung i dulpinqehav ta tu: “Ma-aq is kapimopa ata issia sasbinaz tu qalinga ka na masihal, mopa mateklas a sasbinaz a.” Masaa ka dulpintaqdung ni-i tu asa mulusqu, paaq pu-un pakahau nengka, tantini ka dulpinqehav mulusqu haan duma tu libus. Ma-aq a dulpintaqdung a maldadauk tu i-ita ang. Ma-aq is na munnata ka asa tu mokzeku tavukul ta kusbai.

灰麻雀和黑麻雀是一對好朋友，牠們每天一起飛翔、玩樂；在這座森林裡，還住著一隻孔雀，牠是百鳥之王，灰麻雀和黑麻雀每天都要朝拜他。

有天，麻雀們發現一件事，一位獵人在牠們家附近的平地上打了一支木樁，張開著一張大片的網子，還在網子下面撒了很多米粒，麻雀們飛到一棵樹上，看看接下來會發生什麼事情。

兩隻白鷺鷥飛了過來，互相追逐的玩著，飛低飛高，玩得非常開心，突然！一隻闖進了網裡，翅膀和爪子一下子被網子卡住了，另一隻馬上衝了過來要救牠，結果也被纏住，白鷺鷥們拼命的掙扎，越掙扎就越被纏緊。

獵人興高彩烈地走了過來，把他們給抓走了，兩隻麻雀嚇壞了，把事情報告給孔雀，灰麻雀：「我們家附近出現了獵人，是不是要搬家？」孔雀：「沒關係！你們繞道就好。」黑麻雀對著灰麻雀說：「孔雀最有智慧了，我們只要聽牠的話就不會有危險。」

灰麻雀要搬家，黑麻雀不願意搬家，於是牠們吵架了，灰麻雀自己搬家到另一座森林，而黑麻雀每次出門都得繞著出門。