朗聲四起

Ihaan qamisan 1961 (mas-an qan siva saba tu manumun qan tas-a) tu qainianan a, u-unting tulaku tu tama qai mapalaqtung a tulaku, maisna tudiip in qai ni-i in maqtu unting tulaku, at talsisilku in mudandaan. Aupa mubuqas istaa a tas-a bantas, uka in a dangian maqtu kasuian. Aupa uka in sui qai lusqa in a tina kadadauk ihaan babalivan sanglav mindia kinitdian tu sanglav siin sintakunav bunun tu bainu kave, kan-anakun tinata mapintangtang mapibaqis ispaquu tastulumaq, tuzatu miqdidaingaz tudiip tu qainianan. Aupa ni-i in a tama maqtu munnata kasui qai is-ukaan in naipa tamasaz is-ang tu nasaipuk i tastulumaq, lusqa in a tama ka daqdaqanin malkadavus.

Ma-aq is ni-i a uvaz-az tan-a qalinga qai titlaq mahau uvavaz-az, at kadadaukan a uvavaz-az maludaq. Tudiip tu mas-an qan dusa qamisan in a Suulci a, malinaskal amin a bunun tu nalus-an i Kulisimasu. Ma-aq naingka qai kahau-un i tama tu: “Matataimang tu bunun.” Aupa ni-i ka tina usimulan i sui, misuuz sia tinata ka is-ang tu maqaliputung, at havunun naingka tinata tu munhaana natata pisqasibang.

Ma-aq tudiip tu kulisimasu tu sanavan qai alqaqansiapun istaa. Ihaan in naipa pasnanava-andaing isnava-an qai ni-i naipa mululumaq. Aupa asni-i naipa mapinmama-az sui. Ma-aq is mal-uu a pasnanava-an qai munhaan naipa kasui. Haiza tu tastuqanian, patunqaulta istaa tina tupa tu: “Miliskin su tama su-u!” “Asa naipa sadu su-u!” Antalamun istaa tina tu: “Uka naak ail-uan.”

父親出車禍失去一條腿，失去了經濟來源，成天借酒消愁，每天打罵孩子。12歲的聖誕夜，母親因借不到錢而愁眉不展，驅趕孩子到街上玩，他注意著咖啡，趁人沒有注意，快速塞到棉衣，卻被店主看到，他逃跑時以為甩掉了店主，將咖啡送給了父親，還沒來得及品嚐，店主已追到家裡，遭到毒打，聖誕節對他來說真是刻骨銘心。

他進入了大學，為了節錢，從沒回過家，假日都在打工。有天母親打來說父親想他，他沒想到父親能說出這樣的話。