朗聲四起

yu adidi’ henay caay kakapah ku kaw-tung, pasubatikal a inayi’, inayi’ ku sumanahay langdaway a dingkian atu nikulitan tu caculilan i dadan nu tademaw, u culil nu tademaw, inayi’ ku ziku tawya, micudaday tanusadipa’ sa muculil i umaumahan, malalaba’ mababalakas, caay kalihalaw ku babalaki tu wawa.

ayda macakat tu ku kaw-tun, kapah tu ku nikauzip nu tademaw, paylumaluma’ idaw tu namin ku kadideng tu saculil, paymihmihcaan yadah ku sizikuay nu kawaw atu mapatayay a tademaw, nikasizikuan u caayay namin pihaymaw muculil atu cayay piduduc tu hulican. anu caay tu pakabesbes milakuuyt tu sumanahay langdaway a dingkian, caay pilakuit tu langat, caay pikiayaw micaliway tu zazan, caay pakabesbes tu kadideng, kya caay kayadah ku nikasizikuan a kawawan.

paydemidemiad hinaazih kita i zazan tu caayay piduduc tu saculil a hulic, izaw henay nu paculilay a tademaw masakalah pacicisa milakuuyt tu i dadanay a sumanahay langdaway a dingkian, idaw henay ku masakapahay a tademaw misumad tu intuc nu utubay, tabaki sa ku suni misabaubau ku nipaculil i zazan, idaw aca ku sikadidengngay a tademaw paceba sa padeng tu kazizeng i tapiingan nu zazan, micalap tu papadenga tu utubay, sisa makautubayay a tademaw calap satu i dadan nu kazizeng, idaw henay ku masakalahay nu micudaday, caay culil tu nikulitan a zazan a muculil, milakuuyt tu dadan a muculil, idaw henay nu tademaw caay piadih tu nipaduhpitan tu sapitulun a kamuan, kayakaysa miawas tu langat, idaw henay nu tademaw miazih tu limaki muculil i zazan.

幼時交通不發達，連腳踏車都沒有，沒有紅綠燈和斑馬線，人們用走路，意外較少，父母不用擔心小孩安危。交通發達，每年有不少因交通事故而死亡的人，大多是不遵守交通規則造成。路上常見違反交通規則的情況。

過去生活步調緩慢，生活安靜、路上沒有很多車，人們憑著自己的想法，自由的行走奔跑，現今工商業社會生活就像賽車，為了安全人人都應遵守交通規則，才可以每個人都能開心出門平安回家。