106 年全國語文競賽原住民族語朗讀【都達語】 國小學生組 編號 3 號
Sediq mrungay

Cbiyaw, niqan ka kari enca, Niqan kingal sediq enca mbsrux balay, ini bay skuxul qmpah, knttu naq lnglung enca huya ta sow naq snbsrxan kddiyax.

Musa qnpahan qmpah kddiyax ciida u, uxay mhmuc qmada btunux daw, kiya ka mnsun na pquri wamil qhuni kmari ka parih na kiya ka maku tbtutun ka hukuc parih na da. Kiya ka musa qnpahan qmpah daw, qulung na bay pktulan na ka hukuc parih na.

Niqan kingal diyax enca, musa qmpah na phuma rhak macu, ini qbsiyaq daw wada na tbtulan ka parih na da, kiya ka mbrinah sapah iyux mbsrux sapah na, kiya ka mita hiya ka bubu na enca, “ manu su mbiyax bay wa, ma su ini biyaw mhdu qnpahan su. Ya su mnduwa bay mhdu da hu! ” ini sow kddma knciyuk kari bubu na ka laqi ka enca, “ adaw ini kkray bay hukuc parih kiya, kiya ka miyah smalu sapah han. ” , kiya slmaan bubu na dungan ka hukuc parih kiya, mhdu smalu daw, rngawan na dungan ka laqi na, hai mhdu ka qnpahun su enca. Ini qbsiyaq daw, snuul laqi na quri qpahan ka bubu na, mi musa mqiri qmpah laqi na.

Nii dhuq qnpahan ka laqi na daw, kiya na naq sow kiya pquri na wamil qhuni Kmari ka parih na dungan, binaw ini knmusa sapah niya da, asi na pquri naq bring quti na cmuqi ka hukuc parih kiya, ini qbsiyaq daw kika pkkrang hiyi na mi wada mkara qhuni da. Kiya ka qtaan u, wada mpriyux sow ngungu rungay ka hukuc parih kiya da, mi wada mrungay da, kiya ka ini thuy ssediq da.

Kiya ka sediq mrungay kiya daw wada mkara baraw, qmita bubu na rmngaw “ uka ku biyax msediq ka yaku, srwai ku mrungay ka yaku da. ”

106 年全國語文競賽原住民族語朗讀【都達語】 國小學生組 編號 3 號
人變猴子

從前據說有一個游手好閒懶惰的人,他很不喜歡工作,整天都在想如何過著游手好閒的生活。

每次上山工作的時候,都在農田隨便丟石塊,有時還把鋤頭故意插在樹根弄斷它,所以,只要它上山工作,幾乎都把小鋤頭把柄都會弄斷。

有一次它上山去撒小米種子,沒有多久就把小鋤頭弄斷了,藉此返家偷閒,他的母親就懷疑他說:「你真行,怎麼那麼快就做完工作了。你真的播種完了嗎?」。孩子很不在意的回答說:「因為小鋤頭太鬆了,所以就回來修理啊!」,母親就重修小鋤頭的把柄,修完後就再次吩咐他上山繼續完成工作。不多久,母親也跟隨他的兒子往田裡去,並偷窺他兒子工作。

兒子一到田裡,一樣又把鋤頭往樹根那裡鋤,小鋤頭的把柄又斷了,但這次他沒有回家,而是把斷掉的木柄塞進自己的肛門,沒多久就抖著抖著,爬上樹上。這時候就看到那個一把柄變成了毛茸茸的猴子尾巴,他變成了一隻猴子,從此遠離了人類。

當變成猴子的人爬到高處,看見母親說:「我確實沒有能力作為一個人類,請允許我成為猴子。」

文章資訊
文章年度106
文章編號3
文章組別國小
文章語別都達語
族語標題Sediq mrungay
漢語標題人變猴子
文章作者伊萬納威
漢語摘要