no ya mapakzikzing rana do mararaw am, yongkad rana no kakan do pivatvatekan. sira rakrakeh a mavakes a ka no mehakay am, da na isdep do sahad o kanen a ka no yakan. no ya angnoen o nipasisit a yakan am, ya akmi to ji absoy rana o velek. no teyka nisaray rana do seyvo a ka no sinsi a ka no nimanotong a tao am, ciawang a ka no sosopit a ka no miyop so asoy o mamizing do sahad no pivatvatekan, teyka koman am mian pa so asi no kayo a ipamazas.

ya miciataretarek do araraw o kanekanen do pivatvatekan, no tomakatakaw am koman so mogis, no tomakatakaw am koman so soba a ka no nipasisit a kanen. o yakan namen am mian so yasay a ka no among a ka no viniay a ka no lipao a ka no icioy.

asi no kayo am mian so somon a ka no vizaoz a ka no vazacinok a ka no vineveh. ya teyapia o kanekanen do pivatvatekan siciaikoa ya, so ya da ikakeykai a tomaodtod no kakanakan, ikadoa na am, da na katenngan o ya da sarayan no ariarilow no seyvo jira.

no si toda zavata no seyvo o ka ji da rana sidongan sokanen no kanakan do pivatvatekan am abo ka, ji da ratan no onowned no niapoan a, tana kanakan am mateneng sira mivilang so vakong do ikakcin no velek da, ta no makcin o tao am abo o oyowyat no kataotao. ya apia rana siciaikoa ya o ya mivatvatek a kanakan, ta da sidongen no seyvo o kanen da do pivatvatekan, a ka no ya aro rana o tao a ya manidong so kanen no kanakan do apnezak, so pancian no kanen do pivatvatekan a yanan no pangangarilawan no tao.

o kanakan siciaikoa ya am, ya pia da pamnoan, ya pia da pamnoan, do na kapia no kanen da do pivatvatekan, da katenngan no gako o ikazovo no mivatvatek a motdeh, so da nanaoan so motdeh a jimamilipili so yakan, ori na kabo rana no ya makcin do pivatvatekan a motdeh. do da ka piveyveken so kanen a ka no kataotao no motdeh, ori o ikapia da macinanao do meyciamadadayan a itazestes no teneteneng da. sira sinsi do gako am, ya akman so niapoan no motdeh a ya marilaw nira a ya payaiten so nakem.

 

當中午的鐘聲響起，代表著要吃營養午餐了。抬餐的學長和學姐將飯菜抬進教室後，香味也飄進飢餓的肚子理。教室裡只有碗筷與喝湯聲，飽足一頓，還有水果當餐點。 

學校的營養午餐每天都不一樣，有時吃米飯、有時吃麵或炒飯，菜有青菜、魚、肉、豆和蛋等等；水果有西瓜、香瓜、橘子和香蕉等等。豐富的營養午餐，讓小朋友長得快又好，不僅如此，也學會了惜福與感恩的功課。 

如果學校停止提供營養午餐，弱勢家庭會煩惱，孩童也無法正常上課。現在除了政府提供學校的營養午餐，也有許多的善心人士幫助學生的營養早餐，學校的營養食物充滿了愛與溫暖。

現在的孩子，生長的好，因學校很用心在營養午餐上的均衡調理，告訴孩子們不挑食，因此孩子在校沒有挨餓的情形。因為學校很關心孩子們的飲食和健康，讓他們在學校各領域的學習都能有所收穫。老師們也像父母一樣用心栽培孩子、鼓勵孩子肯定自己。