107 年全國語文競賽原住民族語朗讀【撒奇萊雅語】 國小學生組 編號 4 號
sakinacacay

u nikauzipan nu tademaw, yadah ku kinacacay. sakinacacay izaw kasangiwan, izaw kanamuhan, izaw kalaluman, izaw ku kabaluduhan, anu mahicahica, anu izawtu ku sakinacacay a kawaw sa, izawtu caytu pakaales ku tademaw. mazateng aku sakinacacay a nipitaneng makalatu sakacacay, i cacayay kaku itawya tunu namuh sa kaku, ilabu nu luma’ sadubaduba’ sa, nikacayan pihaymaw tabihkud tu takal ku kuku’, kasenun sa malebawa ku tatuzu’ nu kuku’. nika hakya tada manamuhtu, nayi’ ku adada’ dada aca singalih a kalamkam taluma’ ku cacudadan, kya caluden aku kina kapahay a kawaw, apakatineng tu ina atu ama.

saayaway a nipinanam makabatikal, cay kapawapawan aca. pataluayawen ni yama kaku pakatineng tu sapakabatikal, tu a mukitin i nu zikuzan nu batikal, nika tada mabaluduh tu kaku kyayi, ales han ni ama ku lima sa, mapulin tu kaku. cay kahademhem kaku kinacacay aca mitaneng, sazikud habelut satu tu dising, maduka ku lima atu kuku’, tanu ungal satu kaku muwangic! namahiza caay pahanhan a minanam, sazikuzay sa matineng tu kaku pabatikal. pakay balucu’ han ku kukay tu ama kaku.

saayaway a minanam midanguy, nay sabaw tusaay ku mihcaan tu lalud. belaw a kaka ku muladayay i takuwan tayza i sa’wac, nanamen niza kaku amidanguy. lingatu sa henay mabaluduh kaku, baluduh sa mapawantu amidanguy, kinapina a minanum tu nanum. malalik kya belaw a kaka, liyaw ku liyaw pasubana’ i takuwan, kinapina muliyaw minanam, tuyza a mihcaan tu lalud, sazikuzay matinengtu kaku midanguy. mapulung kami limulak tu mahiniay. sakinacacay, sacunus ita tu yadahay a nanam, sasuped ita tu yadahay a limulak tu zazatengen.

107 年全國語文競賽原住民族語朗讀【撒奇萊雅語】 國小學生組 編號 4 號
第一次

一生有許多第一次,有新奇,有高興,有悲傷,也有緊張,第一次發生的事都讓人深刻印象。

第一次得到第一名,是一年級的時候。當時高興的在教室跑來跑去,腳踢到桌子,大概太興奮,一點都不覺得痛!心裡只希望快點把好消息跟爸媽說。

第一次學騎腳踏車,更是難忘。爸爸先教我怎麼騎,在腳踏車後面扶著,因為太緊張,當爸爸一放手,我就跌倒。我不服輸的再試一次,卻撞上電線桿而受傷大哭!不斷的練習,終於學會。

第一次學游泳,是12歲的夏天。鄰家哥哥帶我去溪邊游泳。一開始很緊張,就忘了游泳的動作,喝了好多水。鄰家哥哥很有耐心,一次次教我,多次的練習,終於學會游泳。

第一次,可以增加我們豐富的經驗,也讓我們留下快樂的回憶。

文章資訊
文章年度107
文章編號4
文章組別國小
文章語別撒奇萊雅語
族語標題sakinacacay
漢語標題第一次
文章作者督固撒耘,黃金文
漢語摘要