109 年全國語文競賽原住民族語朗讀【茂林魯凱語】 高中學生組 編號 3 號
isisipili na sulate ku tumali

madelame kɨkɨ isisipi na sulate, ina sulate ka makavienenga ikéngkwa terese, amani ku spakdralemelinga. silrgu nakcengani, sakura na teradro, ina isisipita na sulate ka amani maragi ku tarata na silrigu, sukétanga miti ka makavienenga tasisipi na sulate, miti ka idulru aména malememecɨ isisipi sulate.

ina isisipili sulate ka tumi kené, kubémwa pilrigu. papaléla pisimeme ku kedredremeli, tédra na mopungali si na kutumé yiali drumanenga, ka lasacnge le isisipi si pakedredreme ku tulunéni. iké sulate gesɨdria, ku margi spasobka si margi na spabaka ina sakura mragi ka lasurate kɨkɨdria ikené margi spaso bkédra amarakɨdria sreké na suluteli nga nukeramianga ku asoletali.

luvaka iku asipali ku tumane dra, ku sulale iku usulate ka tumanedra kidri ku, sulete nia pakedredreme mia patemanedra? nudulru mamusu ku tuminia mia, si ina isisipita laka, ngicɨle ka nudulru ma pakedredreme nutumé ma ku ibiringa asulutadra. tumania ka nukadro ma, pakedredre musu lrigu musu madro ku asipasu na sulate mrabrabere!

odranga ka sitalese kɨkɨ ngitilila ulrugunga isisipi? patapdrenga ilrugu? iku usululate ka aciku patulunedra? nakudra ku usulate putuménia sulute? ina ilriguali ptapedrenge ukulaisisipi, iké na spasobka: 「isisipita paku lula muana sesa edé ikutululéta ka angikemani mu buere pukululéta tumé depe iké mraragi mia ku asipata na sulate.

pébilanga lepenge ptapedrengenga isisipi si sululete iku asulutanenga ka cngle pakdredreme, udulru posopara lrigu, madro ku silrugu, ptégare na kecenga. ina dulruta terese ku leséta si ku spakeragisu terese isisipi sulate mabkabka ku tumani sulate tulunéni nudulru ma cngle lrigu psaleké ku sulate kené masikiulane sékai, ika tuménia ku makaiconga iku tɨcngladra, ina kudru ma ka ipatumai ku tasisipadra ka ipatumai, mangulane.

kɨkɨ ka tuminia na isisipili, kené ka ubéng kwa ku asisipali na sulate, sakura madro na kecenga.

109 年全國語文競賽原住民族語朗讀【茂林魯凱語】 高中學生組 編號 3 號
我的讀書方法

我喜歡讀書,知識的力量是無窮的,而讀書是獲得知識的最好方法,因此我們應養成每天讀書的好習慣。但我們也不能盲目的讀書。

我的讀書方法提供給大家參考。首先,一定要先讓自己靜下心來,然後一邊閱讀一邊思考。在書本上畫出佳句,這些佳句如果能夠恰當地運用到寫作中,一定會讓文章更加生動有力。

其次,根據所讀過的ㄧ段內容,猜想作者在下一段會如何書寫與表達?你可以多做幾種猜測,接著再繼續閱讀,看看自己是否能夠猜測出下一段內容。這樣的做法可以讓自己的想象力更豐富,也會有更多閱讀的樂趣!

再者,要經常問自己瞭解作者要表達的是什麼?如果不清楚就再讀一次,所謂「讀書百遍,其義自見。」反覆這樣做,可以提高讀書效率。

最後,做好讀書筆記,寫出核心思想,寫出體會和感受,能幫助我們理解、記憶和積累知識,可以提高概括能力、文字表達能力、分析能力。如果能夠與別人互相討論書本的精義和內容,更可以發現書中不同的世界。

我是這樣讀書的,這樣讀書給了我無窮的力量。

文章資訊
文章年度109
文章編號3
文章組別高中
文章語別茂林魯凱語
族語標題isisipili na sulate ku tumali
漢語標題我的讀書方法
文章作者魏頂上
漢語摘要作者督固撒耘
漢語摘要