109 年全國語文競賽原住民族語朗讀【卡群布農語】 國中學生組 編號 4 號
Mantanul i na lapunalan

Maqat bunun qabas sa qanciap tu haiza’ a punal, a’nan qa qanciap tu Makua sadu ki bu’hav va, na nitu mintunoq qa dalaq dangi’an ni maca’ balivucan, anang qa makua’ ata kasanus picial li dangi’an ta tu bu’hav va nanitu minsuma’ a kanan.

Haiza qabas dalaq tupaun tu nuqon, hazanai quma ican bukzavdaingaz, tudip pa maca balivu’san na mintunoq qa tanba’av, lapunal i’ sincucuaz, matatupa ka tastu’a cang bunun tu, na’ tanabal lin na’ madia’a luvluv misuma’ ,Makua mita’a quma di anpunalun nin, tupaka palancanan tu, sambut’ ata mintus sa bananaz, tidailaz can quma malasung ngi punal, tupa ka palan canan tu, maki na kadipin tu malivucan na, tan’ a inak tu qalinga’ i na’ mudadailaz ata ican quma malasung ngi punal.

Tuza’ in tu kitnga qudanan, mudan na tastu’ acang tu bananaz, tidailaz can bukzav quma, maqat ican sila dadusa tu bunun na, siza’ i takan macoqcoq taldikucan, kitnga’ in kaliluvluv va su’ zaq daingaz, maupa’ i maqmut ta nit nulu tu bulungbulung nga ma’ av mintunoq, laqaltum mi tidailaz tu bunun, kaupin ni mansila’ tu dadusa’ a miqomis, tudip pa tupaka tastu’acang bunun tu, niqana’ ata maqtu pinvai’i’ icia diqanin tu tamasaz.

Tudip pa bunun na’ mingqanciap tu maca kalumaq qa, nitu ican tansiki’ i ludun cin hungku’, maupa’ i nalaqeban ni punal maca balivusan, ma’ amin ni Ican lu’dun kalibus na pinangan na, maqat lukis sa’ azun kale’qav, nitu maqtu kali’ aminun mapaluq i’ na mintunuq qa lu’dun, ampunal li’ acang ngi bunun, ni’ amin muqamqam mapaloq qe lukic, anang qa macia bunun qabas sa’ in dangi’ an na uka’ i ludun mintunuq, au’pa’ i qan ciap pin tu haiza’ a tupaun tu punal. Miqomicang.

109 年全國語文競賽原住民族語朗讀【卡群布農語】 國中學生組 編號 4 號
預防土石流

早期布農族就知道會有土石流的發生。因為有過這樣的經驗,當族人在生活環境的範圍裡,每遇颱風豪雨時,常會被土流淹沒,住家、農地及作物都會被毀壞、生命財產都沒保障。因此緣故,祭師與部落的族人討論,如何防治土石流,才不會損失財產及生命,討論結果是要以肉身抵擋土石流。

當天氣要轉變黑雲遮住部落,祭師會呼喊年輕力壯的人,在平原之地成站一排,用身體擋住土石流,使農地得於保障生命得到安全。颱風豪雨來臨,大家會以報戰功呼喊的力量迎接與面對。

三更半夜,只聽到轟隆轟隆的聲音,卻沒有看到上方的情況,頓時所有的人都被土石流淹沒,僅有兩個人活著。就是站在一排的第一個人及最後的一個人,從此,布農族人知道,人是無法抵抗上天的力量,不可輕忽,所以,布農族人在山林不會隨便砍伐樹木,會慎選蓋房子的位置以保障生命財產。

文章資訊
文章年度109
文章編號4
文章組別國中
文章語別卡群布農語
族語標題Mantanul i na lapunalan
漢語標題預防土石流
文章作者松碧常
漢語摘要