109 年全國語文競賽原住民族語朗讀【卡群布農語】 國小學生組 編號 4 號
aqaq cin qalum

Haiza qabas bunun tupa’ un tu qalum cin tupa’ un tu aqaq, madunai palcicia tu simaca matanasaz, heza tu tas a diqanin, mapatupa nai tu ma’az ca namaqtu pentataivun, ducia mama’I masoqbung tu ama’un, tupaka aqaq tu ni’ ciaki nitu mapising ngi maba’qes, tupaka qalum tu nitumakua, maupa’i maduka aqaq kukuniv tu matamasaz, maca ican sapuz za namaqtu musbai, maqat qalum ma uka’ I pani’a namistaba tutupa, anan qa maqat aqaq qa makuniv va is’ ang, manaskal tu namisqolung nga qalum mung.

Tudip pin na qani’an, ican mina’ un tongquvali ka mudan nai mun can masupa’and tu dangi’an, pakilaulau tupa tu su’ uaca mungaus, tupa kaqalum tu su’ua i’ maqtu’asu kusbai, nasu’uka tunganganun tu matamasaz daingaz, manaskal la qaqa’ i mungaus pistabaun, tutuza’a aqaq tu mungngadaq can pa’dan, kitnga’ a qalum pistaba ki ismut ta hamoq madain nga luvluv va qus ulan na aqaq qa nitu maq tu musbai, lashaban ni sapuz za misqolung nga aqaq, anang qa maqat aqaq qa matutaqdung hubung, maqenan na qalum tu sadu ki aqaq.

Tupa ka aqaq tu su’ uin qalum na zatun na pistaba, tupa ka qalum tu’ u nitu Makua, maca ni’ang sak tupa tu kitnga’ a nitusapu pistaba, mas zang amin tu ican padan daingaz, hamu’ I kamin nga qalum makai ki dalaq dangi’ an tung qabin, tunganin na qalum makai ka luk lac tu maqtu’in pistaba, kitnga’in pistaba ka tung qabin na qalum can tungav masabaq, mis uka’in na sapuz za uka’a qalum min suma, kac ang nga aqaq tu misqulong ngin na qalum I kuacuna uka min suma’, lacqa’ a qalum mais nacan dalaq min suma, tupatu zaku ka mastan matamasaz I’ uka’ I mistaba tu tikic.

Maqat aqaq qa maszang ngi qunhun tu mataqdun daingaz, tupa ka aqaq tu pais ka lopauk ka nani’ in ata musku kaviaz I palacuav asu zaku,namudacak kusbabai can diqanin mama’un ni minin puhuq tu qacu, tupaka qalum tu ladu’azin cak I palacuav su’ u, nasivung cak ihan dalaq ti’ a maca sadu su’u ka sikavung cak I maz’av su’u, sintupa epi tu nitu palacuav vi bunun.

 

109 年全國語文競賽原住民族語朗讀【卡群布農語】 國小學生組 編號 4 號
烏鴉和穿山甲

從前有一個人和一隻穿山甲,兩個一起到生長茂密的草原,比賽燒茅草。穿山甲對人說:「你先燒茅草吧,我將在茅草那邊。」

那個人將茅草燃燒後,穿山甲趕緊挖掘土地,鑽進土裡躲避。當茅草燃燒完之後,穿山甲從土裡鑽出來對人說:「將換我燒了。」穿山甲將茅草燃燒後,那個人被火燒著變成了烏鴉。所以烏鴉會很黑是因為曾經被火燃燒過。

文章資訊
文章年度109
文章編號4
文章組別國小
文章語別卡群布農語
族語標題aqaq cin qalum
漢語標題烏鴉和穿山甲
文章作者松碧常
漢語摘要