109 年全國語文競賽原住民族語朗讀【卓群布農語】 國中學生組 編號 4 號
Macqal siduqis maitastu acanga Bunun

Ma’az dau tu qabas daingazang, tis’unit na kilimis takdangi’an miqumic ca dalaq ca bununi’, munmicqangis ludun daingaz ha’an micqangis Taivang dii, maupa’i maca ludun mangki’ a mantan madadaqvas sala, daqat maca mukumbu’is ludun mangki’ ca bunun tudiipa, pavazus ludun ca bununi’ miqumic, ua’ minnuum ca bununi mintastu acang, tibilaulu silasilas ludun duduli’an dii, malapaza’ miqumic dangpiia ta’ saba qamisan, daqat maca bununi’a nanu’ tupa’un tu takaduduli’an dii tu miniqumic.

Maca bunun miqumic ha’an micqang ludunis Taivang ti’, minkanautin amin sidadaingis takdangi’an miqumic ca dalaq, ua’ mukanalin ca bununi’ amin, uqna’unin aminis ludunludun mangki’ maqaisqais pavaz. Maiza ca ta’a ka maitastu acanga siduq tupa’un tu takapulan, muvailin ha’an Tanaula miniqumic dii, daqat maca Bunun haipi’a mulu’hazin hahima’ , cia takitudu, takibakha, takivatan, takbanuaz ciin isbubukun maihima’ dii ca malququmicanga Bunun, tupa’un tu maihima’ maitastu acing siduq tu Bunun.

Qainipuanangis Qai’ial ca bununi’ tu qabasang, taqu makua miqumic, masipul pintaiklac, lusqu’un amin ca Bununi’ minaha’an ludun puha’an bukzav, altupat lusqu’unin ca bununi’ punha’an bukzava tukuc a hunghung, cina mabukzava vaqlac, mancaikus ludun cina caikis bukzav, uutu maca bununi’ a muhazin ha’an vaivivaivi ka duma’acang, maiza ca maldaukang iha’an lamungan , maizaca muvaaz ha’an takau’, maiza ca muvaz ha’an taitu’ cina kalinku’.

Maca dangi’as bunu qabas miqumica katusis duduli’an tu ludun daingaz dii tibilaulu miqumic, pinta’a is’ang muskun miqumic, pakadangazis alminanan tu sinkuzakuza miqumic, qaltu maca Bununi’ haipa, pavazunin aminis duduli’an a ludun dii malavasvas ha’an taivang ti’. Mantan mahiav sala ca acang Taivang ti’ minvavaivi ca iniqumican, uutu ka’atu papungul tu cima ata ka bununi’ ?

109 年全國語文競賽原住民族語朗讀【卓群布農語】 國中學生組 編號 4 號
認識布農族之社群名稱

很早很早以前,布農族人為了尋覓生存的地方,走進了台灣的中央山脈,因為群山聳立,所以布農族人在山中區分開來,最後成了六個社群,環繞在玉山的四周,且定居了數百年,所以布農族人號稱為玉山之子。

布農族人在台灣的中央山脈慢慢散開來,也被重重山脈隔開,其中一個叫做藍社群族人,為鄒族同化了,所以至今布農族人只剩五個社群,即是卓社群、卡社群、丹社群,巒社群和群社群。

布農族人經過了的日本人統治,並把布農族人從深山裡搬遷到山下,雖然是移居到空曠的山谷,河川地,甚至到平地附近的山腳地帶,但是,布農族人也因此分散到各個縣市或鄉鎮。布農族過去是以玉山為群居之中心,但是,布農族人現在卻被玉山分隔在八方。

文章資訊
文章年度109
文章編號4
文章組別國中
文章語別卓群布農語
族語標題Macqal siduqis maitastu acanga Bunun
漢語標題認識布農族之社群名稱
文章作者洪文和
漢語摘要