109 年全國語文競賽原住民族語朗讀【邵語】 國中學生組 編號 4 號
Thau a kataunan numa shiduq

Thau shuqulhmuzin pitu a shiduq, pitu a shiduq tu Lhkashnawanan, Lhkatafatu, Lhkapamumu, Lhkatanamarutaw, Lhkahihian, Tanakiuwan, Shapiz. kahiwan inai pitu a antu tataal a shiduq ianan thaithuy ananak a pruq. thuini izai pitu a shiduq makunatusi mialhthkizin isa Baraubaw a kataunan.

izai pitu a shisuq tatata ianan thaithuy antu tataal a ananak a palhkakrikriw: Lhkashnawanan masa Lhkatafaru sa daduu a shiduq, Lhkapamumu sa titishan a shiduq, Lhkahihian masa Lhkatanamarutaw pinfazaq Lus’an a quyash a shiduq, Tanakiuwan masa Shapiz a shiduq mindahip az’az a palhkakrikriw.

thuini kafazaqin ita, sa Lhkashnawanan itusi Suma’an, numa Bakialaan, numa Tuanaa. numa sa Lhkatafatu inai zain Thapuduk numa Qabizay, Waqrath. sa Lhkapamumu thaithuy itusi Shtafari shaunatusi Suilikhiin, sa Lhkapamumu shishtafari shaunatusi Suilikhiin. sa izai Lhkahihian masa izai Tanakiuwan, Shapiz numa Lhkatanamarutaw, thaithuy in’ia’ianan antu la kafazaqin, maqa painan thaithuy a pruq riwayan sa Shpuut, numawan thaithuy mungqtha, mungqtha musai mara’in a shiduq. izai Thau maqa mungqthaqtha numawan thuini muqayza panaqanan latusha wa kataunan, Baraubaw numa Tuapinaa.

mamzai sa Thau ianan lapitu a shiduq, kanuniza muqay ladadu sa thau, numawan sa Thau a parhaway ya amara sa binanau’az numa mu’ayuzi, az’az antu Thau a parhaway, antu mafazaq thaithuy tu sa Thau a lalawa numa kazakazash, ya antu makarishkish minfazaq sa Thau a lalawa numa kazakazash, ya kahiza, thaithuy a azazak antu mani mafazaq tu sa Thau a lalawa numa kazakazash. apiakuzan dai! ya kahiza ita Thau a lalawa numa kazakazash amin’ukaiza.

109 年全國語文競賽原住民族語朗讀【邵語】 國中學生組 編號 4 號
邵族的部落與氏族

邵族總共有七個氏族:袁姓、石姓、毛姓、高姓、陳姓、丹姓、白姓,古時候這些不同的氏族都有各自的土地領域。現在這七個氏族的人全部都遷移在Baraubaw部落居住。

這七個不同的氏族都有各自不同的工作,、石姓是頭人氏族,毛姓負責擦手除穢的工作,陳姓和高姓負責過年時教唱過年的禁忌歌謠,丹姓和白姓則負責協助所有的工作。

目前所知道的,袁姓氏族的領域在今天魚池、東光、司馬垵、大林一帶;石姓氏族則在今天的桃米坑、新城、猫蘭、日月潭、五城一帶;毛姓氏族的領域主要在頭社、水裡坑一帶,其他的氏族居住的領域不清楚。現在的邵族人又經過遷徙合併,目前只聚居於二個部落:一個是Baraubaw,另一個是Tapinaa

雖然邵族有七個氏族,但是只有少數的族人,所以邵族的青年若要結婚,對象都不是邵族人,他們都不懂邵族的語言和文化,如果不努力學習邵族的語言和文化,以後他們的孩子也會不懂邵族的語言文化。以後我們邵族的語言文化將會消失不見。

文章資訊
文章年度109
文章編號4
文章組別國中
文章語別邵語
族語標題Thau a kataunan numa shiduq
漢語標題邵族的部落與氏族
文章作者簡史朗
漢語摘要