109 年全國語文競賽原住民族語朗讀【拉阿魯哇語】 國中學生組 編號 4 號
ucani tapʉhlana hla hlicaliva tapʉhlana

karʉkʉhlʉ cucu’una ami “ ucani tapʉhlana hla hlicaliva tapʉhlana. ” maci tumua atʉahlʉ, tumuakia pakiapuhlu hlitakuamia. patasuru hliparava hla hlipasamanganʉ hla apulavaʉ iniciki pi sialailia, maci maru takuamacua mualualua ia kutasʉkʉra, maci maru langʉlangʉ apulavau ia malamacu hlicaliva, maci tarutuahlʉ kuparaiaiahla ia kukia arucarucakʉ,maci ma ihlaua kuparaiaiahla siparaiaiahlaisa usumaanʉ, kuhlaisai tumuau pasamanganʉ taku’i’iarʉ, umala makini siparaiaiahlau.

marua cacihli pakiaturua amihla ihlahlamu “ ta’iaraisaka kumuacahlia pakipuhlu, kuhlaisai kuatumuhlua hlialamu. ” tumimahla kani’i karina rumahlaʉ, tamuucuaku malinu.

angahliakuku paumamainiaʉ rumia kana’a, hlipakipuhluaku tamuucu maini, ami’aimanai ia cucu’u matumuhlua hlipakipuhluku, ausi, marapihlia hlamama umupangʉ ihlaku pakupuhlu, marapihlia pakiaturua tumuru ihlaku pakupuhlu hlipakipuhluisa hlakana’ana kupakiaili hlipakipuhlu.

ausi ihlahlamu kuhlipakipuhlu, hlatumua pihliara. kumita cucu’u pakipuhlu ngahlarumahlaʉ, ahli’ai mʉmʉa kusipiapuavahli, manikia malivutu mʉmʉa apakipuhlu ngahla. kumita cucu usumanʉ pimavacangʉ siarimia ia, ahliki’ai mʉmʉa tuahlʉ atʉahlʉ mavacangʉ siarimia, ucaniika uka’a manganʉkia musuturu.

maci kuarualangʉlangʉ atʉahlʉ maramahlahlamʉcikia, aunanaia maramatʉkʉsʉkia, maru parana aruatʉkʉranana pautukalahla patʉkʉ sapahlʉ, pi ucani hliupucua lʉhlʉ ʉ, uka’a cucu’u marumuku milisʉmʉtʉ, pitikakuisa patʉkʉ usumanʉ. arupatiasirangʉ, pitikakua mavacangʉ tʉkʉ laʉlaʉvʉ, iniciki aluaʉa lʉhlʉ ʉma matakua talʉhlʉ ʉa.

tiaratamata maramatʉkʉsʉ? matahlitakumia ucanita’iara, ngasa atʉatʉahlanga? maci hlitakui’i’iaricu kani’i ta’iarana marahlupuhlupu’aini. maci rianʉ pi tʉkʉ marahlupuhlupuia, ngahlaisamana cucu’u takua’i’iaru?

109 年全國語文競賽原住民族語朗讀【拉阿魯哇語】 國中學生組 編號 4 號
一分耕耘,一分收獲

「一分耕耘,一分收穫。」想要收穫,就必須付出。只有嘗試、努力、堅持,才有收穫。若在成功之前卻步,往往只會失敗;若困難時,堅持,就會獲得成功。

面對不公平不要抱怨,你的不公平可能是別人的公平。要努力的奮鬥,爭取自己的公平。

有位老師說:「因為還不懂得付出,所以收穫並不多。」

自出生那天起,我的付出很少,父母為了養育我而付出,老師為了教育我而付出,他們的付出不求回報。

當我們看到別人受到表揚時,也希望受到讚賞,但自己行為還不值得被表揚。當我們看到別人取得優異的成績時,也希望得到優異的成績,但自己卻沒有努力學習。

想要「不勞而獲」的想法成了習慣,我們就會很自私,在教室發現自己的旁邊有垃圾時,誰也不願意撿起來,只會踢到另一個同學的腳邊。一直傳來傳去,直到熱心的同學,垃圾才會丟到垃圾桶裡。

為什麼我們要吝嗇?當我們做一件事時,會想什麼呢?是思考做了這件事後會不會吃虧?若每人都覺得會吃虧,還會有什麼人做這件事?

 

文章資訊
文章年度109
文章編號4
文章組別國中
文章語別拉阿魯哇語
族語標題ucani tapʉhlana hla hlicaliva tapʉhlana
漢語標題一分耕耘,一分收獲
文章作者游仁貴
漢語摘要