109 年全國語文競賽原住民族語朗讀【拉阿魯哇語】 國小學生組 編號 3 號
caihli akuisa mamaini

caihliku akuku mamainimana tam masasangarʉ, matumuhlua hlikitaku ahlamʉhlitucucucu’a, rianʉ hliulavalava mamaini ahlaina.

atʉatʉhlʉngʉaku maci maru ucani ari, hlimahlivingiaku mavacangʉ tikuru maru langica mipipihlihli, mʉlʉvʉ vahliungu musurarauvu, kirahlahlapʉ musiri lulunga kumitakita sasaruana.

pasamia kana’a, maru tukucuna ihlakua mataingalʉ mavacangʉ, alʉhlʉvʉ musuaturu, pasaulaula’ ʉ, hla muahlahlapʉ uruhla, rianʉ ihlakua hliulavalava, rianʉ ihlakua hliaparacahliaisana, karʉkʉhlʉ atʉhlʉngʉisana rianʉ pausakisakili.

kana’a kiʉlʉsʉ muasasapʉ uruhla, hlakana’ana rianʉ tipusa, amiaku hlakana’ana “ matiakiliaku ihlamu muapsasapʉ uruhla, macumu takacicihli muasasapʉ uruhla ia mairahlu tipapusa, matikiliaku hlakana’ana kumita kana’a misasʉmʉ tahliaria. taiacu matapuahlʉa tahliaria, pasakulaiamu puaili salia.

maru tukucukuna, tumacacurumuaku tamuucu hliulavalava, miungu kani’i macahliacuaku, kuaku mairahliu macuisa hliulavalava, ihlaisa cacihli kaupaupangʉ mamaini ahlaina, ma tumahlaʉ tukucu cacihli mamaini ahlainana, ihlaisa cacihli kaupaupangʉ mamaini ahlaina sangalʉ. atʉatʉhlʉngʉaku mʉlʉvʉ sihlangʉ arakuka, arakuka marun hliatʉhlʉngʉakuna, arakuka marun aucaucani ari caihli mamainina, aramuamuarʉ arakuka.ta’iaraisaka acacacihli takacicihli mavacangʉ caihli mamaini manikia hlicaiva caihli mamaini hlimualivatʉ manikia rianʉ malavavalʉ, ausi sipalavalʉaisa langicana kupuailia pasamia, ucaniita tuahlʉ umahlikua kumita kutuahlʉ puaili hlicaliva, ucanii pahluailia siasasangara caihli mamaini ta’iaraisaka arataisacita, kucu ihlaisa mutuavivilau mamaini.

109 年全國語文競賽原住民族語朗讀【拉阿魯哇語】 國小學生組 編號 3 號
童年

我的童年充滿了天真、活潑,我看過許多的卡通,都是很厲害的女生。

我幻想有一天,我穿著美麗服裝在天際間飛舞,隨著音樂舞蹈,站在雲端上看看世界。

那時,我是朋友中最強的,包括學習、玩遊戲和溜冰都是我的強項,她們都是我教會的,每次想到都會讓我很驕傲。

那次,我們一起溜冰,她們都滑倒了,我說:「還是我拉著你們滑吧,你們自己滑還是會滑倒的!」我拉著她們看著那美麗的夕陽。太陽快下山了,我們趕回家。 

在朋友當中,我覺得自己非常厲害,現在我知道了,我並沒有真的很厲害,而是一個普通的女孩,一個擁有好多朋友的女孩,一個長相平凡的女孩。我的夢想隨著時間消失,消失在記憶中,消失在長大的童年,漸漸的淡忘了。

長大了,不再是天真活潑的小孩了。不能回到過去,快樂的童年只能回憶,時間不會倒退,只能向前看,一切都在變化,如同變幻莫測的天氣。也許童年很短暫,每個人都有自己美好的童年。

文章資訊
文章年度109
文章編號3
文章組別國小
文章語別拉阿魯哇語
族語標題caihli akuisa mamaini
漢語標題童年
文章作者游仁貴
漢語摘要