109 年全國語文競賽原住民族語朗讀【汶水泰雅語】 國小學生組 編號 4 號
ki’man kuwing

ikuwing ga ki’man, aring ci cu pakahtuw ca makababaw na rawq ga, macka’ kuwing kinkuw ki’ki’man kahabaag ka ukas a balayq talan ka situwing(男用語)(siyatu’-) ru qabubing()(qabubu’).

 gabagan ka tikay ga, masituwing()(masiyatu’-) kuwing cu situwing()(siyatu’-) ka mataseq()(mawaseq-), numaga’ kuwing cu cacbu’ ni yutas wagi’; gabagan i qumuwalax ga, piliqan kuwing na quwalax ga, maqas kuwing cubalay mugunawu’ ca qaquwalax ru’ ararruwa kuwing murakiya()(murakis-) uwiy la. tayhuk ku qamisan ka tikay ga, magamaru’ lku situwing()(siyatu’-) mu la, ga’ ini’ kaqilaniy na kisleq mu.                       

tiku maminqiyanux ca makababaw na rawrawq ga, kiya kahabaag a qaqiyanuxan nha’, ikuwing ga ki’man.

humbuw kuwing cku ini’ tehkiy na itaal i tatung, mitaal kuwing kariariax cu pakahtuw ru mawp a wagi’.

ani ukas ku pasikura’ umangay kuwing ga, ini’ kaaqeh a kisleq mu, gi’ maknamatimati’ kuwing maqiyanux nanak, baliy maqiyanux cu papkitaal cuquleq.

maiyuiyuw qutux qutux a kaal, mahoq ru tumanguw lawwiy a abaabag na kakahuneq()(kahukahuy-), pahicuwa’ ga pagiyaniy i maqiyanux. balayq mu ku riax ka asinkuw haniy ka ukas a sumqaqarax.

mahananu’ mitaal cu tatayu’ ka manbahaag ga, miki manbahaag kuwing uwiy.

mahananu’ mitaal cu hamhum ka aruwa i manhahuluy ga, miki musa’ kuwing i tatuhi’ uwiy.

mahananu’ mitaal cu wagi’ ka pakahtuw ru mawp ga, miki usalan mu i mitaal uwiy… asikinaga, kisleq mu cubalay ku kinqiyanux mu ka hani.
ki’man kuwing, baliy kiya a rahuwal ka linanglung mu, hanuan kuwing manbabalayq(
)(manabalabalay-) maqiyanux i siyasiyag rwu’ i makay, iqaat pagibabuwiynah!

109 年全國語文競賽原住民族語朗讀【汶水泰雅語】 國小學生組 編號 4 號
我是小草

我是小草,我剛出生時,就是一個普通的小草,沒有漂亮的衣服,也沒有繽紛的帽子。

春天,我會穿著一件鮮綠色的衣服,等待太陽公公的照顧,夏天,我會受到大雨的滋養,在雨天玩耍,快樂到極點。秋天,我的衣服不再鮮綠,會變成褐色,但我也不會感到憂傷。

大地萬物,各有生存之道,而我就是一棵小草。

生長在荒蕪人跡的高山之巔,每天可以看到最美的日出和夕陽。雖然乏人問津,沒有誰來欣賞,但我的心卻從不悲傷,我必須自立自強,而不是為了他人而活。

年復一年,春去秋來,生命循環枯萎繁榮,該怎樣就怎麼過,我一直鍾愛這樣不受驚擾的日子。

有時看著翩翩起舞的蝴蝶,我也想要飛翔。

有時看著流過的雲朵,我也會想飄向遠方。

有時看著東昇西沉的太陽,我也會想要去觀望但更樂活悠閒在當下。

我就是一棵小草,沒有多大的胸懷抱負,祈願平凡安逸的活在自己的世界,直至生命的盡頭終不悔!

 

文章資訊
文章年度109
文章編號4
文章組別國小
文章語別汶水泰雅語
族語標題ki’man kuwing
漢語標題我是小草
文章作者李福成
漢語摘要