109 年全國語文競賽原住民族語朗讀【邵語】 高中學生組 編號 4 號
lhalhaushin

Thau a Mulalu Pudaqu isai tatata wa kawash a turu a furaz tata wa qali kmalawa wa kazakazashisa turu a furaz shpaat a qali amafazaq kmalawa sa lhalhaushin ya piaruruun a Lhalhaushin. muqay ya isai Mulalu Pudaqu, Thau amaqa sa kamalawa sa lhalhaushin, miazai thithu pinalhalhuiza shduu indaduan ya kahiza, infarin sa pazay miazai unlhaushin lazai pinbahiwan maqitan u’araan indaduan sa pinalhalhuiza numa pinbahiwan mashtay sa Thau piakakalingkin piakaikaimahan. Thau a lhalhaushin mathuaw marutarutaw, itia apu mzai kahiwan a lhalhaushin mathuaw marutaw mat tnuini a lhalhaushin, ya akmalawa sa lhalhaushin, manasha wa thua apusuun kmalawa, numa tanaqash pinfazaq sa parhaway apiakuzan kmalawa lhalhaushin.

Thau a “Mulalu Pudaqu” ianan sa unlhaushin, Thau a thau isa kataunan a maharan a danshiqan ya kmalawa sa lhalhaushin, Shinshii amafazaq isa Lhkapamumu a taun mulalu sa Lhkapamumu a Ulalaluwan, numa  Lhkapamumu a dadu apaplish sa qilha, numa iahala Thau a tantuqash aunlhaushin mungqtha parhaway ya unlhaushin, numa ya munsai tatataiza wa furaz Shinshii uqthan mutusi Lhkapamumu a taun mulalu amaqa kurubuzin sa lhalhaushin.

numa itiawan sa ayuzi antu mara binanau’az numa binanau’az antu mu’ayuzi ya lhmawshin isai Thau a “Mulalu Pudaqu”, a’uhiaw itia sa a’a isa maraiza binanau’az numa mu’ayuziza. numa itia maraiza binanau’az numa mu’ayuziza wa thau uka sa a’a, ya lhmawshin ashddu muhiaw lhquzan itia sa a’a.

numa Thau a lhalhaushin antu tatata wa thau shduu lhmawshin, ya binanau’az ianan sa ungqarmanan numa lhquzan a binanau’az antu lhmawshin, maqa parshian dai. numa mani sa kilhnaqualh a thau antu lhmawshin sa lhalhaushin. numa isa lhalhaushin a shirshir ata tu quntut, aminbuqnur sa izai danshiqan a tanatuqash. numa mani sa kilhnaqualh a thau antu lhmawshin sa lhalhaushin. Thau antu qmuthquth sa lhalhaushin, maqa Thau a apuapu amiasusuun lhmawshin sa lhalhaushin. lhmawshin dadu mathuaw pashithathawa, miazai sa rumfaz ifafaw marfazfaz.    

109 年全國語文競賽原住民族語朗讀【邵語】 高中學生組 編號 4 號
鞦韆祭

播種祭在每年農曆的三月一日舉行祭典儀式,在三月四日會架設鞦韆。只有播種祭才會架設鞦韆,象徵著農作物能生長得既高大又茂盛。當風吹稻穗時,就像盪鞦韆一樣祈求農作物豐收,也祈求大家都健健康康平平安安。邵族的鞦韆很高,老人說說以前的鞦韆比現在還高,要蓋鞦韆時,很多人會一起蓋,然後長老教導年輕人怎麼蓋鞦韆。

盪鞦韆是「播種祭」的一部份,族人在部落的廣場搭起鞦韆後,會由先生媽先至毛家祭拜毛家祖靈籃後,由毛家的頭人,再由族人,依輩份、年齡輪流盪鞦韆,鞦韆在一個月後,先生媽會再到毛家祭祀後才會進行拆除。

有些男生還沒娶老婆或女生還沒嫁人,如果在播種祭時盪鞦韆,即可在婚後早生子女,已婚尚未有小孩者,即可能迅速懷孕。

盪鞦韆不是每個人都可以盪,因為有禁忌,還有遊客也不可隨意盪鞦韆,然後不要在鞦韆場所的旁邊,在廣場的長老祖靈會生氣。族人不綁鞦韆,因為邵族的祖靈會一起盪鞦韆。盪鞦韆真的很有趣,就好像鳥在天上飛。

文章資訊
文章年度109
文章編號4
文章組別高中
文章語別邵語
族語標題lhalhaushin
漢語標題鞦韆祭
文章作者高榮輝、陳玉聖、蔡麗綉
漢語摘要