109 年全國語文競賽原住民族語朗讀【南勢阿美語】 國小學生組 編號 3 號
U bunga

Ma’ulah kaku a kemaen tu bunga, anu misahemay kuwina caaykanca pabungan ku hemay, anu misaaam, palamlamen nira tu bunga, anu masanek aku ku tamek tu bunga i, anu i cuwacuwa kira cacakayan tu bunga, mikilim aca kaku a micakay a kemaen. Aniniay a bunga tadaadihay tu, silahengangay, siatipulingay, sibuhecalay, siatekakay, sidawmiay,u dawmiay ku ka’ulahan nu maku a kemaen.

I nacila tayni ku baki a palabang i luma’, itiya malahuk hen kami, tadihang han nu maku “malahuk baki!” ala sakaku tu alapit atu kaysing a mipinaru tu hemay,pabunga han nu maku tu tusaay, a patata ci bakiyan, caay pitebing tu alapit ci baki, tuku saan a mimelaw tira kaysing nira, mate:nes palita satu“awaay haw ku belac nu luma’namu satu?”maekek ku wina a paca’ub“mamaan saw baki?”paca’ub satu kira baki“caay ka’ulah kaku a kemaen tu bunga satu.” Sakalamkam hantu nu wina a mialapit kira i kaysingay nibaki a bunga a pateli i kaysing nu maku.

Suwal satu ci baki“nanu adidik kaku a pakuyuc, awaay ku pida tu sapicakay tu belac, sisa herak sakuta’u na mibunga, tayra tu kami a misapud tu mausaway nu ninaayan a bunga,saadidi han a micilcil licang han a misinga, anu awaay ku kakaenen iraan u nilicangan a bunga ku kaenen, marenec tu, pacicien tu a mienuc, sisa makamelaw kaku anini tu bunga, makasimsim tu kaku tu ‘urip nay wawa hen.

Hereksa a mitengil tu kungku nibaki, adihay ku nisimsim nu maku, anini kapah ku ‘urip, ku kaen, nu mita a mabana’tu saka caay palasawad tu maamaan kiyaru.  Awaay tu ku mahaenay a demak caaytu pakataelib ku aniniay a wawa, sisa caay kabana’ tu ‘urip nu tu’as, caay kabana’ hacuwa ku nikataletangic nu ayaway a nika’urip. A palalanen tu nu mita ku wawa mamaanay ku kapah, masamaanay ku raecusay, sametekaw tu ku nipatatudung kayhan caay katarebisu ku narakatan nu wawa nu mita.

 

109 年全國語文競賽原住民族語朗讀【南勢阿美語】 國小學生組 編號 3 號
地瓜

我喜歡吃地瓜,媽媽煮飯時飯裡頭有地瓜,蒸糯米飯時就加上搓過的地瓜。只要聞到有烤地瓜味時,不管它在哪兒,我一定去找並買來吃。

現在的地瓜有很多種,有紅的、有黃的、有白的;有脆脆的、有酥鬆的,我最愛吃酥鬆的。

昨天舅公到家裡,我們在吃中餐,我打招呼:「baki,吃飯!」便去拿碗筷,裝飯並加兩塊地瓜端給舅公,舅公不動筷子,靜靜地看著他的碗,遲遲才問:「你們家沒有米嗎?」媽媽愣了一下,接著問:「舅舅,怎麼了?」舅公說「我不喜歡吃地瓜。」媽媽趕緊把地瓜夾到我的碗裡。 

舅公說:「我小時候家境很清苦,沒錢買米。別人犁完地瓜田時,我們撿拾掉落的地瓜。剩下的地瓜,用搓刀搓成細細的,曬乾後收藏。沒食物時,我們就吃乾地瓜,吃膩了還是勉強吞下。現在每次看到地瓜,我都會想起小時候。」

聽完舅公的故事,我心裡感觸特別多。現在我們生活在豐衣足食的環境裡,我們應該更加惜物,別做無謂的浪費。

文章資訊
文章年度109
文章編號3
文章組別國小
文章語別南勢阿美語
族語標題U bunga
漢語標題地瓜
文章作者張美妹
漢語摘要