109 年全國語文競賽原住民族語朗讀【澤敖利泰雅語】 國中學生組 編號 3 號
muwah mita yaba yaya mu sinsi

utux ryax, masu ku binruwan gaku, naki musa sali i Yuraw ga, niyal hngayang suru i sinsi, sinsi, Yuraw, ini na ki.

Yuraw, “ha? nanu?” mnakux lungan ni Yuraw, sinsi, “musa su sali ga, mnama kmayal cikay yaba yaya su. kayal maha u gbiyan suxan ga, muwah kuzing mita yaba yaya su, kya la i mpitu tmucing ga ptehuk kuzing.”

Yuraw, “ha?” mkux r’yas ni Yuraw.

“aw! kyalaw mu lama.”

mnkux lungan ni Yuraw, baha hmswa esi tbah ku kay ni sinsi maha u muwah kuzing mita yaba yaya su.

kinsuxan, tmasu miru sku gako ru wayal kwara seto la. gbiyan nasa, suru kingabi sali ni Yuraw lga, kyalun lawzi Yuraw yaba yaya nya.

Yuraw, “yaba yaya, muwah kisa sinsi mu yo!”, syukun yaba, “ba’un mu, laxi inkux, p’aki sami Sali”, “kuzing ru yaya ga, nagun miyan sinsi su, laxy inkux.” pungan ni Yuraw lga, was-- maha lungan, esi nya ga wayal yengyan yaba ki yaya la.

kyala mpitu tmucing, niyal balay mhtu muwah sinsi la, niya sbaysan utux bzinah sinsi muwah, sazing naha niyal. memaw ma’as ru thhaylaw yaba yaya ni Yuraw, Yuraw uzi sbaysan nya yaba yaya mcisan sinsi.

pincisan sinsi ki yaba yaya Yuraw ga, kyala utux tmucing, p’usan yaba yaya ku sinsi, maha nanu la’i myan maki i gako, utuw mong kay? ’ngayat miru? ini ga utuw tm’alih s’uli? peyux wayan naha spkayal.

kyala utux tmucing pincisan naha, ru wayal sinsi la. mmawsa sinsi ga, prasan sinut, abang, ru kaway ni yaya. txan Yuraw i sinsi, ma’as balay. ma’as lungan sinsi ru wayal wahan magan ni utux sinsi ru wayal la.

 

109 年全國語文競賽原住民族語朗讀【澤敖利泰雅語】 國中學生組 編號 3 號
老師訪視父母

有天,Yuraw準備放學時,聽到身後老師的聲音。

老師:「Yuraw,稍等一下。」

Yuraw:「蛤?怎麼啦?」Yuraw嚇了一跳。

老師:「你回家時告訴爸爸媽媽,說明天晚上我會去拜訪你父母,大約七點鐘老師會到。」

Yuraw:「蛤Yuraw嚇了一跳。「啊、啊、啊― 好!好!我會先講。」

Yuraw心裡驚訝著因為老師的話太突然,說他要來訪視爸爸媽媽。

隔天晚上,Yuraw一家用過晚餐之後,Yuraw再次提醒爸爸。

Yuraw:「爸爸媽媽,等一下我的老師―」

爸爸回答:「我知道,我和媽媽會在家等你的老師,別擔心。」Yuraw聽了之後,心安定下來了,他擔心爸媽忘記了。

大約七點,老師來訪視了,另一位老師陪著,二位一起來。Yuraw的爸爸媽媽高興的招待,Yuraw也陪著父母和老師聊天。

爸爸媽媽問著Yuraw在學校的情形,有乖嗎?有認真讀書?或者會欺負別的小孩?他們聊了很多。

他們大槪聊了一個小時,然後老師被另外一位老師接回去了。老師回去時,媽媽還送給他樹豆、南瓜和李子。Yuraw看到老師的訪視過程很愉快,他心裡也好歡喜。

文章資訊
文章年度109
文章編號3
文章組別國中
文章語別澤敖利泰雅語
族語標題muwah mita yaba yaya mu sinsi
漢語標題老師訪視父母
文章作者尤巴斯‧瓦旦
漢語摘要