109 年全國語文競賽原住民族語朗讀【汶水泰雅語】 國中學生組 編號 4 號
magawwaw ru’ matawwaw na Itaal

cubalay, habaag ku Itaal ka ini’ kabalayq cuqaqaang a kinqiyanux, ayhung macacpung kinku Sipsiputu’ i quwiyquwis. kumnabalay cu gaga’ cu paptawwaw na Itaal ku tawki’ cu kaal ka 2001 buwating ka magalpuw, nakiy kiya a kakalahang cu paptuwawan na Itaal mha i lumanglung. asikinaga, aniiynu’ ga aqeh kahabaag a papsigihahabangan cku haniy, anauwiy ga payux uwiy ku magiyay qalang cabuwiynah ka paptuwawan ru’ habaag lku magawwaw ka Itaal. aniasisaliy ru’ kiyaruma’ ga asiy pasbabuwiynah lawwiy ca kinakian kumiyum cu paptagasayhuan, kiya uwiy ku asiylauw ancapaang turakag papaqaynut ki naaba’ nha’ la.

habaag ku aring cu ulaqi’ na’ ga magiyay li tinqalangan musa’ quwiyquwiys rumag masgihabangan. ukas cuqaang a baqun gi’ ini’ paghuwayiy ku papateq()(papatas-), kahi’ asilaiy kiyum cku imuleq cu’ ma’uway ka waw. aniy makiya inu’ ga ini’ anga’gu’ i matawwaw ru ukas cuqaang a luwan; apxan cuqaang na kinqiyanux ga asiylauw anaakas i manubuwag cu quwaw, mahananu’ ga galgan nha’ i makasang, matuting quga’ lumuwag lacuw aqeh.

asikiy lungulungun tikay na tawki’ ku aanagawwaw na Itaal, iqaat uwiy lku asiy galgiy ku wawwaw cku haniy ka makibaq cu tiyennaw, pasaqit, paputrang..., ru’ babaw niya’ lga?

sikitaal mi tatuhi’ i lumanglung ku wawwaw kahani ga, asikiy baqun na tawki’ ku nanuwan cubalay ku pasinaun ru’ kakbalayq na Itaal ru’ guwagun musa’ pasibaq kahabaag ku Itaal i tinqalangan cu kaqiyanux, pasiqunun ku ulay, qaqilapan, wawwaw na uquuqu’…ru’ anagagalgun i matawwaw, nakiy ini’ patgapawng ku wawwaw na Itaal. kalawkah Itaal!

109 年全國語文競賽原住民族語朗讀【汶水泰雅語】 國中學生組 編號 4 號
原住民的失業與就業

大部分的原住民因先天環境的限制,較難與城市的漢人競爭。雖然政府於200110月立法通過實施原住民工作保障法,使原住民在工作上有法律基礎的保障,但因經濟不景氣,百業蕭條,工廠外移,造成族人的失業;部分暫時回流家鄉,另覓工作賺錢,甚或依賴著鄉親父母度日。
族人一般經濟拮据,不少無力支付子女學費,義務教育之後即離鄉背井,分擔家計,致以教育程度普遍不高,多半從事粗重辛勞且不太受約束的工作,也因受限知識之不足,不論在哪裡工作都所得有限,生活其實壓力很大;於是常見喝酒鬧事打架,甚而遭致意外。

政府在處理原住民高失業率的問題,就業方案幾乎是跟隨著社會潮流走,如一窩蜂的電腦訓練或美容美髮課程。然而訓練後的產業等等問題呢?
個人就長遠性來看,政府應確實了解原住民的實際需求,促成在地化就業,巡訪並輔導部落多樣態技能,協助營造在地文化附加價值產業,結合行銷經營。落實照顧弱勢,原住民族的一切才得以永續且生生不息。原住民加油!

文章資訊
文章年度109
文章編號4
文章組別國中
文章語別汶水泰雅語
族語標題magawwaw ru’ matawwaw na Itaal
漢語標題原住民的失業與就業
文章作者李福成
漢語摘要