109 年全國語文競賽原住民族語朗讀【鄒語】 國小學生組 編號 3 號
aamcuyu

panto cihi ci leyaezoi isi cohivi ho tec’u mon’i mongoi ta tiskova. isi yainca no koyusi akoevano ’ucia poa tvaezoya ci leyaezoi ’o ’o’okosi, isicu eoho’a ho yainca, “mao’o’oko, te’ocu mon’i mongoi ta tiskova, at’inghi to aamcuyu panto o’ula efo’a cimo pepe ci macucuma, na ic’o os’o teongasneni muu ci ezoyʉ, hocimu i’ima ’atemu ahtao’te elʉa.”

’o ’o’oko to leyaezoi ihe ta’unano pepe ci macucuma na isi efo’a to aamcuyu, ne mohcu mcoi ’o leyaezoi ohecu asno’zona pa’ea ’o ezoyʉ peifeifei’za ’o ceoasi. e’vono uk’a ci ihe peʉlʉa ci pepe ci macucuma, at’inghi maica ho ihe na’na peiyofnu’a ’o ceoa, ’o ohe tov’oha ci amcuyu to tonsoha ne mio moso afnaso atngaso.

’o ’o’oko ihecu petohʉya ta’tuhca na ’tohʉngʉ to nia amohe, ’iama ohsila yainca no koyusi to nia amohe te poa tvaezoya ho asno’zonʉ yaahioa ninatela eno yaa ʉmnʉ ci tov’oha ho peelʉi e’oca ’e cono emoo.

’e isi engha ta omiasi ci ehohamva, te peelʉi epo’usa tala tmopsʉ ci ’o’oko maitan’e. mac’o mimhocni na ’tohʉngʉ ho ’aanana’o tmopsʉ, tena ko’ko mau’to’tohʉngʉ ho man’i na tesi co’cohivi.

botngonʉ ci ’o’oko maitan’e la angu smo’eʉchʉmʉ to tennao. ’anala mimho bumemealʉ tmopsʉ. man’i ci ntela aʉsvʉta ho mon’a yonto ’oyonatmopsʉ, lahe pohcaefiza ho o’tena cohivi ho o’te peelʉi, lac’u ’afeungu ’o ’tohʉngʉ to mamameoi.

’o lahe tata’zeni to mamameoi ta ’o’oko, aeno tvaezoya, hoci meelʉ peispaezumo ’emo cihi ci cou, mo acʉhʉ i’mi no tvaezoya ho mipo’ʉʉmtʉ tala hioa, uk’acite yusuhngu ho mooteo no yuyupasʉ ho ʉm’ʉmnʉ ci atotave. la fiho to hia ngoseo ho tov’ohʉ to ʉm’ʉmnʉ. mais’a ’o ’o’oko to leyaezoi mo peisngongoseo ho pa’eya ’o aamcuyu nia micueno tov’ohʉ to man’i ci beahci to amcuyu.

109 年全國語文競賽原住民族語朗讀【鄒語】 國小學生組 編號 3 號
葡萄園

有一個農夫在臨死前,想讓兒子們將來能成為好農夫,農夫對兒子們說:「孩子們,我就要走了,我在葡萄園藏了一些東西,那是要留給你們的遺產。」

農夫的兒子們以為是寶藏,於是在農夫過世以後,便把葡萄園裡每一寸的土地都翻過了。雖然沒有發現任何寶藏,可是因為土壤被仔細地挖掘過,那年的葡萄長得特別肥碩,收成也特別好。

兒子們才恍然大悟,爸爸的用心是為了使他們工作勤勞,建立自己的家園。

我們讀書也是同樣的情況。只有專注心力努力學習,才會知識廣進。很多現在的孩子,太過於專注在電動玩具,很多的學習就因此錯過。

所有事情的成功,都是因勤勞和專注開始,沒有人坐著等待幸福到來。幸福是跟著辛苦而來。正如那農夫的孩子,很辛苦地開挖葡萄園,才得到豐富的結果。

文章資訊
文章年度109
文章編號3
文章組別國小
文章語別鄒語
族語標題aamcuyu
漢語標題葡萄園
文章作者汪幸時
漢語摘要