109 年全國語文競賽原住民族語朗讀【四季泰雅語】 國小學生組 編號 3 號
qpiray

Kintayux su myugi mlaka qtayu, kintayux su minnanak patas na qtayu, betunux calay ktalan patas na qtayu, tehok ryax na tmanux abax ga musa hkangi boq na phpah ru niqun nya, piyux phpah qani lga masoq mssli mlaka qabax minnanak na qtayu msqun maniq, blaq calay ktalan.

Mgkumay na qtayu qani ga qmehul mrkyas, musa maniq pinmuya. Mqtayu hiya lga musa sbatu smi boq cka na phpah.

Kinbetunux na qtayu qani ga kahul pinhloq cnabu nya, ana r’utung qnxan nya, qutux qutux qtayu qani ga qniyat calay ru lokah mqyanux.

Trang mlaka te hlahuy ga ana qmayah ga blaq roq nya, memaw mtasaw cmyax gong nya, qulih uyi ga cmyax ktalan, kyabil cik cik mqwas, nyan msyaq yulung mkbway mtalah phpah, ana uying ga mlaka blaq insuna uyi.

qtayu qani garing ga ini kbetunux calay, ini gqtayu nga kumay qutih calay ktalan, thuway hkangi trkax babaw khoniq, kngun ktayux inkyasan nya.

betunux calay qa qpiray qani, ana ga kya nha qbaqun kumay ini gqtayu nga m’wi ru kzihung calay pin’yugan nya mwah mqtayu!

koka na Taywang qaqi ga cinllwan nha calay lalu nya zensekay mha muyax na qpiray qalang Taywang son nha, ulun su minnanak blaq kayan koka qani, ana mlamu na qpiray ga mwah sbatu cqani, ana kahul binah koka cquliq ga mwah mangay kenkyu ru psyasing.

109 年全國語文競賽原住民族語朗讀【四季泰雅語】 國小學生組 編號 3 號
蝴蝶

是否曾看過舞姿翩翩、色彩多變的蝴蝶?

蝴蝶色彩鮮豔,像是春天的使者,冬去春來,開始漫遊在森林裡、花叢間。有花朵的地方就有蝴蝶,有蝴蝶的地方也總是五彩繽紛的世界。

當蝴蝶飛舞過田野,泥土散發清新氣息,水波盪漾,魚兒仰頭探望,燕子群起呢喃,白雲微笑,紅花遍地盛開、蜜蜂四處喧嚷,都是幸福洋溢的氣氛。

蝴蝶出生並不美麗,在變成蝴蝶前是隻醜陋蟲,曲著身體爬在地上、樹枝上,樣貌和姿態讓人覺得是可怕的昆蟲。

當蝴蝶還是毛毛蟲時,為了成長破壞農作物,是個害蟲。蛻變為蝴蝶後,便幫助農民傳授花朵,使農作物結出甜美碩大的果實,成為農民欣喜的功臣。

蝴蝶的美麗是蛻變而出,雖然生命短暫,每一隻蝴蝶仍然奮力的度過牠催燦的一生。

蝴蝶是多麽美麗啊!可又有誰知道蝴蝶要從幼蟲變為的蝴蝶有多麽困難!

臺灣是世界聞名的「蝴蝶王國」。由於臺灣有不同的氣候,因此棲息著許多種蝴蝶,還有一些臺灣特有品種,每年都會吸引各國蝴蝶愛好者到訪臺灣一起賞蝶。

文章資訊
文章年度109
文章編號3
文章組別國小
文章語別四季泰雅語
族語標題qpiray
漢語標題蝴蝶
文章作者羅立雄
漢語摘要