109 年全國語文競賽原住民族語朗讀【中排灣語】 國中學生組 編號 4 號
semusu ta laljing

nakiciyur aken tjaikama a semusu tua laljing, kemavic aken tua pinisikau a ridraridr kata sicuru tua laljing. tikama na’emavic ta tjasadjelung a tjuqtjuq kata sizangzangzang ta laljing a gasu kata djukic. kisusuan tua laling cemalivat tua sakingting saljezayanga patagilj, dremu’udrung a venasak ta djemaladjalan ti kama, “ liav a tjalik a lezaya, kipapaulingavu! ” ayaya tikama a palikuz. manu beriqberiq aya uqetjutj, djemeli aken a kicakav, hihi hihi...

manu pacunamen ta sasiq a nasemengap a kisusangasangas tjanuamen, saqetju aravac a caljedjen nua quljicapudus, “ ljiacadjau! ” aya tikama!

kadjemaljun amen i tjurungat, seceker amen itua namacunuq a djalan, aicua i tjurungat niakinalivuan a sicuayan, rukacunuq aimaza a kadjunangan.

lemagav amen a kivalidiyan, manu kamayan anan azanavulung a kamurav a kasiv, navangalj tu kakedrikedriyan. kacemalivat amen i puzakiljan izua matjapida a tapav a pecevucevulj, tjara tiavuvu azua ! a! cemapacapa tiamadju! nu ivukid lemangda itjen tua maretimaljimalji a ljingav, yi? napangac a ljingav!aicu macai itjen! kembung amen apacalivat. avanu minevar amapuljat, nusengapan itjen tjaracaljedjen itjen. uu! ays! kacemalivat ta qauqauin, seceker aken kapacun tuazua kinivaljuqan a qaljic! namagagalj aken nuizua kalickic a qatjuvi! nuladruq a valjetac na qau, silaljilaljing ta zaljum, santjatjaveanen tu vayvayan ta itung ta sicauvan.

pazangal a cemuljev! kisusu itjen ta laljing, mayang sadjelung a tja turivecan, nuizua namaljutj na makapalak a laljing, rakacensapavaliti tua vaquan a laljing.ikakena venalanga tua ku ngarusngusan kata ku qusavan tazua! pai semekez a men apalamu! “ aicu zaqu ” aya tikama, nupacun aken nakiparu nagingging a vangalj, tjasivata’ tua itung,makaya tjasiququ auta. katemangu aken mapacun aza vuvuan, nakipaselem izuata vacinga akasiv, manu venceluq ta ricing asemanpuzung ti kama, a pukeljang tu izua qecilu a vuvuan, puvarung ti kama ayaken! aicua velu tjasikeljang tuzaljuzaljumen akadjunangan. aimaza tjatjan nagemagalj ca ceva, qaca a zaljum inikamakuljikulji , nuipalingulj itjen tua taljitiv, imaza atjagulj nasemtangal. kasucaqevan a sinantangku itjatjan, kinapeljuqan nacemel, djaljepan a maljupetj alaljing, maljekedri anga a mangtjez i tjumaq a zaljum ayamen! kavan aicu a kusinljavakan a semusu ta laljng!

109 年全國語文競賽原住民族語朗讀【中排灣語】 國中學生組 編號 4 號
水源地之行

我跟著爸爸去水源地修水管!

我們到了舊遺址舊佳平時,無法前進,因為這地段常崩塌,只好繞一圈遠路,看到老柚木仍在,結了圓圓的果實,還有遠處幾家草寮炊煙裊裊,一定是老人家們在烘烤芋頭。

在叢林裡會聽到不同的聲音,像是野蜂的聲音;也會看到蛻變脫身的蛇皮,還有比較長的竹鞭,就是以前當引水用的管子,或當曬衣服、曬棉被的竹竿子。

巡視水源真的很艱難,不但背著很重的工具,如有鬆脫的或損壞的水管,要拔掉重換新的水管。休息時,爸爸說無患子樹的果實有點像龍眼樹的果實,以前可以拿來洗衣服、洗頭。當我抬起頭時,發現了雀榕樹上隱藏著鳥窩,爸爸捻手折了樹枝打個指結,表示提醒這裡有鳥窩和有鳥蛋!爸爸好有智慧呢!望到了一片野蕉樹,水源地就要到了。當我們把水源地的儲水槽打開時,滿滿的樹葉雜草阻塞了水的管路!經歷這次的水源地之行才知道引水修管不是簡單的事!

文章資訊
文章年度109
文章編號4
文章組別國中
文章語別中排灣語
族語標題semusu ta laljing
漢語標題水源地之行
文章作者廖金鐘
漢語摘要