Ya romi’ad, mitaelif toya tafalahan no cawka, matengil ko yiw! yiw sanay a ngiha, aya u ma’irangay a wacu, misamsaman no wawa a wacu, milalingay to adada no oo’ ira, Sini’ada ko faloco’ panokayen ako tayra i luma’, panganganen ako kora wacu ciHappy.

Talacowa ko rakat ako talacowaay ciHappy, malacafay kami tayra umah mitoor to wina wama a mawmah, tayra miadup i tokos, mikapkap to futing ato ’afar i ’alo…, talacowacowa kako i ilaay to katihi no mako ciHappy, malecad u adingo ako ko mira, ano mafuti’futi’ i malacafayay to kami, hato u salikaka no mako.

I sakaenem no kongkoan ako a mitilid i kosiyaw, sakapitu folad no lalood, tadafaedetay ko romi’ad itiya, malatahidahidang kami ka^emangay midangoy tayra i riyal, i lawac no riyal ciHappy a misalama, sa no futifutingay kami a micelem midangoy, aciya ko menac niyam…, “ Pa’orip! pa’orip! pa’oripen kao! ” sako matengilay a ngiha, nengneng han i raay no riyal, ma’alolay mama’emek ciDiway, sahacikay sa kako midangoy miraod ciDiwayan, kaorira, cakafilo ako pa’icel tamiyanan, matengteng niDiway kako talaeno sa no riyal ma’emek kami tatusa, aya u patay to koni sako ’angi i harateng, “ Aw! aw! aw! ” sa matengil ko ngiha niHappy, alomang to ko malitengay a pa’orip tamiyanan, sanga’ay sa ko faloco’ mapa’orip to kami tatusa, hatini sanay ko kalaulaulah niyam malawidawidang.

Tadaulah no paru no luma’ niyam ciHappy, mangalef ko wina ako, pakaenen nira to ’okak ato titi, sano tamdaw han nira a midipot, malalid awa kami i luma’ mitilid, mimatayal i, ciHappy ko cafay no wina, ano ira ko kahemekan karipahakan anca u karorayan no faloco’ no mira i, pasadak han nira a pasowal ciHappy, hato ma:fana’ay mitengil ciHappy, pamecek sa ko mata niHappy a minengneng, sa’iwa’iwa’iw sa to wikol a pacako, u kafokil aca ira a caciyaw.

U paru to no luma’ niyam ciHappy, anini cato katalekaw ciHappy, malitengay to , u kami to ko midipot to miraan, u paru no luma’ niyam ciHappy, tahadaoc ko pidipot to kalaulah niyam.

有一天，無意間聽到流浪狗的哀嚎聲，才發現原來是一隻小狗被附近的小孩欺負，不忍心的將牠帶回家，名叫Happy。

不管我去哪裡Happy總是跟著我到處晃，稻田裡幫爸媽工作或是去上山打獵溪河摸魚蝦，就連睡覺也一起睡；我們形影不離就像兄弟一樣。

在國小六年級酷暑的七月，我們一群孩子到海邊游泳，Happy在岸邊遊玩，哇！我們在海上玩得很瘋。救命啊！救命啊！聽到Diway喊救命，我奮不顧身去救他，沒想到我也被他拖下沉了，突然聽到汪！汪！汪！的聲音，好多大人也來救起了我們，從此我們更相親相愛了。

家人非常疼愛Happy就像家人一樣，尤其是媽媽，我們不在家時，Happy陪伴媽媽，牠可以聽心裡面的事，不管是難過的、開心的、有趣的都可以和牠分享，雖然牠只會靜靜的聽著，有時專注眼神看著你搖起尾巴擺動耳朵，彷彿聽懂你的話，只是牠不會說話罷了！

Happy牠漸漸老了，他是我們的家人，我們會一直愛牠照顧牠，直到永遠。