109 年全國語文競賽原住民族語朗讀【知本卑南語】 國中學生組 編號 3 號
tu inlrangan ni 張雨生i punapunan

i 張雨生 mu pinialrak i Penghu, i temamataw mu maw na lutiya, i tainataw  mu maw na Tayal. i 張雨生 mu maw na kazu i Taiwan parevuwa’ demaway za senay  na pulrengaw puvalray, demadaway kana sasenayan na trau, natu lrengaw kanini na isasenay salaw atras zi mudaway kanini na senay nananku aidaidan mu melri nu tiya, nintaw dinawadaway na sasenayan mu sazu marekamelrimelri, kamawan kana temizazina kana senay kema. intaw mu maw na kinakuwakuwa kana sasenayan ziya maw na mar’inavanava na semasenay.

muketrep misama’ za lralruwatra naku ’ami harem, a minatray i 張雨生azu mu, saya ziya ku ’ami, maw mu munamun ku lra kinger ku lra zatu senay, kemay kanizu lra ’azi ku kiruaday kantu senay, nu nantu lrengaw zi nantu sayhuwan demaway tu ikakuda salaw ku lemihu kanatu ikasaayhu.

i 張雨生 na maruwa ku papulihu kantaw maw natu sasenayan nantu pangetrengetr tu ikakuda. pakangaway awa mutihitaya mu, a azu mu salaw lra mingadan, piya lra mutuwa hitay mu, izu na makasahasahar na senay salaw mitrima’zi, intaw ’azi maranger kitilu’ kana kemazu na senay, intaw mu ’azi lramalraman ku mingadanan aziyu ziyan, tu iturusay nantu anger demawaya kanantu kinasahar na senay. nantu dinaway na senay mu maw na “KALAOK. Taihok. inku”, maw nantu pukazazuwa tu dinaway trima’anay mu ’azi pakaelak za zuwa kuzawan valrayan, i ini mu maw azu mu inia natu trima ’azi ’inava. maw mu intaw mu ’azi muwai hemelrep, patari likuzan pulralrang demaway za zuwaya valrayan za senay kani 張惠妹, mutrima’ lra za saleman kuzawan valrayan, kemay kanizu lra mazalram lra a trau kanintaw za kirekamelri atu ikasayhuwan. maw mu ini na ’inavayan mu ’azi munayun.

1997’amiyan uri pakazaalram kanizu na pakalikuzan natu dinaway na senay tu ngadan mukema tu udung ’azi kema tu anger’azi sawriyan mu kana maulep zi pakakawang za dusiya mukuwa tremapingala kana paruaday kana dadalan na ’alad, ’azi pakaputremel zi makavetra’an wari mu minatray. harem marevuliyas ta mena’u kanantu dinaway na senay, ’azi kurelrang kana muvaveruk na wari patari  harem mu kurlrang ziya kana hareman. maw mu na kemani misayhuwan demaway za sasenayan na trau mu inta harem mu lramalraman kakuwa ta lra.

109 年全國語文競賽原住民族語朗讀【知本卑南語】 國中學生組 編號 3 號
張雨生的一生

張雨生為創作歌手、作詞人、作曲家、音樂製作人,有著高亢的聲音。他的成名曲是「我的未來不是夢」。他的音樂風格多變,有「音樂魔術師」之稱,被認為是音樂史上最優秀的歌手之一。

偶然聽見張雨生的歌,竟不可自拔,無論是歌聲、創作才華、態度,均讓我佩服。

我敬佩的張雨生對音樂堅持的態度。當兵前,他紅極一時,但當兵後,他毅然投入自己熱愛的創作。

「卡拉OK‧台北‧我」是他第二張創作專輯,銷售不佳。直到後來他幫張惠妹製作兩張專輯後,大家才看見他不凡的一面。

1997年,他發表一張創作專輯「口是心非」,不久便因疲勞駕駛而車禍身亡。

回頭看看他的音樂,不隨時間的流逝而顯得過時,音樂才子成了樂壇的遺憾。

直至目前為止,很多年輕人發現他的音樂,同樣景仰著他。

文章資訊
文章年度109
文章編號3
文章組別國中
文章語別知本卑南語
族語標題tu inlrangan ni 張雨生i punapunan
漢語標題張雨生的一生
文章作者陳金妹
漢語摘要