109 年全國語文競賽原住民族語朗讀【知本卑南語】 國中學生組 編號 4 號
ta valrukaw izu nanta anger savak na maykezang

ulra sasa a vangesaran mualep zatu kakuwatrengan zi iniyan lra tu lima na saya, kemay kanizu lra tremepa kana tu ikatratrau mu, iniyan lra za anger zaku ka’inanavayan, i eman na wai pakarun kana saya tu lima? iniyan za kiyakarunan, nantu ipulivun na trau na paisu kanintaw mu mupiya lra, ilikuzan kemay kanizu lra kiveraveray lra za trau zatu wavaawan.

ulra saya wari intaw mu zuwa kani saruma’enan i sulrasulray, intaw mu kiyaveray kanizu na vavayan na miruma’, izu na vavayan tu rengayaw, “ pulralrangay ku mekutr kanaziyu na ringga pukuwania ” kema. izu na vangesaran kasa muvasuk zi tremepa kanizu na miruma’ na vavayan, “ saya ku lima zi nu paakutraw ku kanazu na ringga, nu ’azi u maranger u veray mu kaeman verayay ku, mazu kuwazuwaw ku ’azi pakalre’ayan. ” izu na miruma’ na vavayan minuhun zi tu alakaw na linga kana tu lima na saya zi tremepa kanizu na vangesaran marengay, “ na’uwi saya ku lima mu aruwa ku melak, kaeman a zazuwaya ta lima, aruwa ku zi inu mazu ’azi pakakuwazu? ” zi izu na vangesaran mu kemazu lra mekutr za zuwaya tuki mu piya lra mekutr, izu na miruma’ na vavayan mu tu verayay za nem leman paisu.

izu na vangesaran mu payas marengay za “lrayuan kemaya ku kaninu ” izu na miruma’ na vavayan marengay, “ kaeman lra, ini mu ninnu rinukezangan muvales. ”

izu na vangesaran talra kapapida’ami i likuzan mu ulra sasa a tawki kanatu koba, zuwa kania na patraran, inia na tawki salaw kana masalu kanintaw anger, maw lra a trau a sasa mudaway intaw mihelrep tu zazek natu lima saya mukuwa demikes kemuru kanizu na dawdawan lra, tremepa kanizu na miruma’ na vavayan marengay, “ anu uniyan u mu inku harem pakusiya ku ziya, maw izu na mazalram ku lra za melri izu na saya na lima, maw inta na kemiyatrepa kananta ta kana ikauraringetr, maw inu lra na pakatawki kaninku. ”

inmu nanta ali’an na vangesaran, mu piangeraw ini na kemani? nu uri rarengay u za kararuwa ku nay? a! ’azi ku ikararuwa nu kema u nu azu mu, inu mu katatena’an lra ’azi kararuwa, uniyan u ziya za ’uringetran kanu kemiyatrepayan. alra mu kema’uri’uringetr ta ziya mukuwa kemiyatrepaya kanizu mu, alra mu parka’inanava, salrangana ta pakirungetr!

109 年全國語文競賽原住民族語朗讀【知本卑南語】 國中學生組 編號 4 號
喚醒心中的巨人

一場意外,年輕人失去了一隻手,他對人生感到絕望,有誰會需要只有一隻手的員工?他開始乞討過活。

有天來到一個家門口!他向女主人乞討,女主人:「把這些磚塊搬過來!」

年輕人很生氣:「我只有一隻手,你是在為難我嗎?不給我錢就算了,為什麼要刁難我!」女主人用一隻手把磚塊拿起來,對年輕人說:「我用一隻手就拿起來,我可以,你為什麼不可以?」

年輕人搬了兩個小時,他做完後,女主人給了年輕人錢。年輕人感激的說謝謝!女主人卻說:「不用謝!這是憑你的力氣賺來的。」

多年以後,一個企業家來到一個庭院,這個企業家低下身用一隻手拉著已經年老的女主人。

「如果沒有你,我現在還是個乞丐,是你讓我知道,我缺少的並不是一隻手,而是面對現實的勇氣,是你讓我成為一間公司的主人。」

可曾想過這個問題?當我們覺得不行,是真的不行?還是缺少了面對的勇氣?或許,我們都可以再勇敢一點,或許我們可以更好!一起加油!

文章資訊
文章年度109
文章編號4
文章組別國中
文章語別知本卑南語
族語標題ta valrukaw izu nanta anger savak na maykezang
漢語標題喚醒心中的巨人
文章作者陳金妹
漢語摘要作者參考「喚醒心中的巨人」
漢語摘要