109 年全國語文競賽原住民族語朗讀【賽夏語】 國小學生組 編號 4 號
mintawaeh ila

kaysa’an yami ray kakiSka:atan mam kiSka:at, bazae’en ray hinohaes ka tatoeroe’ taktaktak Sa’ latar ’omoral ila. kayzaeh ’okik sobae:oeh ka ’inoral, yako ma’az’azem Sa’, So: pata’aes lobih naw ’okay ’oral ila! karim’aenan ’okay ’araS ka ra:ma’, yako SaSakosiza: ray hinohaes ’am komita’ haysiya ay ’omoral? ’oka’ ila ’i bazae’ noka kamatortoroe’ kano’ Sitortoroe’!

’ima kaksi’aelan, haysiya ’omoral, ray hinohaes kita’en nakhara hayza’ ka pinopoti’, ray hinohaes latar homom karpa: ila. sizaeh komsi’ael sobae:oeh ila sowiti’ ka ’a’oral, ba:i’ ma’ mowa:i’ ’oyaeh pakilhaehael, ’a’oral haba:i’in Sembet ray hinohaes, yami ’omam’amoeh ’omleb ka hinohaes. ray latar ka kaehoy noka hinaba:i’ bazae’en ’eet’eet’eet kin paktikot. yami sa’sa’ih ray hila:an maSroko’ saeboeh ray talka:, yako ’ima mantapo’ ka ta’oloeh noka kayba:en maSnga’nga’ ila.

min’itol kita’en ray hinohaes ka ’a’oral ’ol’olae’an ila, ray kap’ae’ae:aewan ’akoy ila ka toetoe:noe’, kaehoy nak ’ina ranaw sizaeh biyae’ kin hes’ezan koza’ kin kayzaeh kita’en! ’aroma’ kamakiSka:at minSa’la’ pata’aes ila, kita’en ila ray hinohaes hayza’ ’ima ’alira:ma’, hayza’ ’ima ’alika’pa’. korkoring makakSiyae’ ila ray ’a’oral, ’ima taSira:ma’ noka ra:ma’ baboSboS ka ’ima ’alika’pa’, ’ima ’alika’pa’ ma’ ’okay papahobaz, tomako: ka hiza toe:noe’ ’am boSboS a ka ’ima ’alira:ma’, ’ima ’alira:ama’ ’omam’amoeh poti’ noka ra:ma’, kita’en poralom ila hi nonak. lasiya kowa: sawa’ kowa: manra:an kaSlatar ila ray kakiSka:atan.

yako ma’ pata’aes ila. yako Sakosiza: naehan ray hinohaes ka kawaS haysiya ay ’omral? ’inokay ’araS yako ka ra:ma’ Sa’ ’am pa’oral ila lobih. potngor ray kap’ae’ae:aewan kita’en mintawaeh ila. hahila: kas’oehaez ila naehan! yako manra:an noka hahila: tiSla:ongen,’inmana’a ka la:ong ’ana ’inowan ma’ minSa’la’ ’iniman. ray koko:ol babaw kita’en hinalay ka haleb noka haebon, hini ’oemaeh koza’ kin kayzaeh kita’en!

109 年全國語文競賽原住民族語朗讀【賽夏語】 國小學生組 編號 4 號
雨過天晴

上課時,窗外滴答的聲響,外面下雨了!還好雨勢不大,我心想,若是放學時不下雨就好了。早上忘了帶傘,擔心會不會下雨,就一直往窗外看還有沒有下雨,幾乎沒聽見老師上課的內容。

中午還在下雨,烏雲像簾子般遮擋住了窗外。午飯過後,風大雨大,雨被風吹打在窗台上,我趕緊將窗子關上。外面的樹被風吹得咯吱的作響,感覺很可怕,我用外套矇頭睡著。

當我醒來,雨已變小。操場上出現許多小水塘;樹就像洗過澡般乾淨、翠綠。從窗子往外看,有的學生已先放學,有拿著傘、有穿雨衣,在雨中玩起水來,一人用傘上的水珠灑向另一人,那人也不甘示弱用腳踢向水塘,水花澗起灑向了拿傘的人,他很快地用雨傘遮擋,澗起的水花反澗到了自己一身,兩人邊走邊笑消失在校門口。

我再次望向窗外,外邊還下著小雨,沒傘的我準備淋雨回去。走到操場時雨停了,天邊還露出陽光,太好了,不必淋雨!走著走著,我的影子始終在我的跟前,不遠處還有彩虹掛在山頭上,真是美極了!

文章資訊
文章年度109
文章編號4
文章組別國小
文章語別賽夏語
族語標題mintawaeh ila
漢語標題雨過天晴
文章作者lalo' a taheS kaybaybaw
漢語摘要