109 年全國語文競賽原住民族語朗讀【德固達雅語】 國中學生組 編號 3 號
Mqedil pgeeguy

Mbahang ku bubu rudan rmengo kari ndaan klaali ka slaqi ku ciida, ani so ini kklai mbahang duma rnengo na, smkuxul ku mbahang kari srrengo na dungal. Kika dehuk msange muuyas ka sapah pyasan de, wada ku alang mosa qmita bubu mu rudan.

Niqan ka ndaan na ooda “ mqedil pgeeguy ” nii. Mesa ka bubu mu rudan, rudan ta ita Seediq peni na, mgaya riyung ma ini mhemuc geeguy nseediq; so laqi hndure ge ini hari kela gaya ma uka hari rngagan kari duri.  

Cbeyo hayan, niqan kingal mqedil alang mkela riyung gmeeguy ma  ani mmaanu kana gguyung na mesa; so ka lukus tninun ma pala shilo ma kana nuqah sqeya bobo btakan gguyun na duri,

Mseyang paru ka seediq tnalang, mprengo ka seediq alang si “hwaun ta mqedil pgeeguy nii di mesa? ” Mrengo ka rudan alang, asi ta btuli wawa baga na mesa kana ka seediq tnalang, kiya wada daha btulun ka wawa baga na ma skgulun daha mosa alang icil dungal.

Kingal ali, wada daha sterung eluw ka mqedil nii, sligun daha ma wada malu lugah su di? Mesa ka mqedil kiya “ wada malu da.”  Mita ka seediq alang ma sklui bale, malux wada malu luqah baga na mesa lmngelung? Ini daha bale kklai lmngelung duri.

Mesa ka mqedil kii ; Yaku naq qnuuqu ka ciida, kika dehuk ku alang icil de, ado ini kmalu luqah baga mu ma ini mu dheki kana tminun pala ma meepah neepah duri, kiya lmingis ku klaali. Mita heya ka seediq alang icil, klaun daha ndaan na hndure ma tllingis smneeru ndaan qnquwan na duri.

Kika srwaun daha ka ndaan na mqedil nii, wada daha rcuhun daruk arung ka luqah wawa baga na, ini qbsiyaq de malu ka luqah na di. Bobo na, ndaan na mqedil pgeeguy nii ka sseru daha seediq alang si, kndalax ciida uka kana seediq pgeeguy alang di mesa.

109 年全國語文競賽原住民族語朗讀【德固達雅語】 國中學生組 編號 3 號
女賊的故事

小時候常常聽奶奶講故事,記得有一個故事,是關於女賊的故事。

過去,賽德克族人部落裡有一位女人很會偷竊,她什麼都偷,任何織衣服和被單布料,包括曬在竹竿上的麻紗線也偷。

於是部落的長者很生氣,開會處置偷東西的女人,長者們都說要弄傷她的手指,並把她送到別的村子去。有一天,部落裡的族人遇見她,問她的受傷的傷口是怎麼痊癒的那女人說都好了,大家很驚訝的看著她的手,真的都好了,每個人都很疑惑,到底她發生了什麼事?

那女人說,因為受到村子的懲罰,被送去其他村子,她發現自己真的做錯了,可是手指都受傷,也不能工作,想到這邊,就哭了起來。其他村子的人看到她,知道她是犯錯的人,就問她:「你知道自己錯在哪裡了嗎?」那女人邊哭邊說:「我知道我不可以亂偷東西,是我做錯了,我願意悔改。」

其他村子的人看到她想悔改的心,於是他們就用穿山甲的油治好了那女人的傷口。後來,村子裡的族人,都以那女人的事來警惕自己,從此就沒有人偷竊了。

文章資訊
文章年度109
文章編號3
文章組別國中
文章語別德固達雅語
族語標題Mqedil pgeeguy
漢語標題女賊的故事
文章作者曾瑞琳、曾珍美
漢語摘要