109 年全國語文競賽原住民族語朗讀【建和卑南語】 國中學生組 編號 4 號
mangayangayaw

ini na mangayangayaw mu, mau nantu kakuwayanan nu adi diya kituvangsar na lralrakan na cakuvakuvan, pungaway diya kana parelrimalrimaw datu ’uringecan di tu kerevatan mucarun maya’ da ungay na Pinuyumayan.

kana ’ami diya nu adalrep lra kana ’amiyan mu, na vangsaran minada kana valisen di na cakuvan muhenan pureha lra menadanadam kana dadawayan di na inuwavaawan diya.

kanidu na duwa wariyan di sa’esungan i henan mu, menadanadam kana papeciran di na dadawayan kana pana’, di mau nu ’aremeng tu tarkaukaudaw na vangnapana’, patatalram datu ’uringecan.

pulaludus lra kana wari mu, tu pa’ari’ariyaw da papana’an, piya penapana’ mu, menadanadam diya kanantu senay na mangayangayaw amceha datu tinavawan na ungay kema tu pauwayan.

piya lra kana penapana’ mu, kemay kadu kana papana’an marepakuwa pavekas mukuwa i palakuwan, nu pavavekas i makadadalan mu, nantu ma’idangan nadu na lralrak ’umuy’uy pataptap da pukedang kanadu, salaw kasahasahar.

meredek lra i sinalik kana palakuwan mu, ulra na vavayan na pananadam kanani na lralrakan na mituvilran diya, mutulik mangala pu’apuc kanani na ma’inayan, piya lra pu’apuc mu, marelrang muwarak di pakan kanantu dineruwan na akanen.

puludus lra mu, maruwa lra kipukpuk kanantu tedek kana

kivangangesar lra.

ini na mangayangayaw kani i dekalr mu, mau tu i pungaway kana ’ami na kapalisiyan diya, nu piya diya mangayangayaw mu, martulus lra na kapalisiyan diya ta ’amiyan.

nu pacepa da kapalalisiyan kanta i dekalr mu, adi kauniyan na valisen duwa kurelranga kipakarun. nu kadu kana palakuwan i sulrasulray milran mu, adi pumaya da aretidan, mawmau tu pinituvilran di maruwaru, marevulavulas mi’ilrus matikedir, palru kana puludus ta ‘amiyan.

109 年全國語文競賽原住民族語朗讀【建和卑南語】 國中學生組 編號 4 號
少年祭

 

少年祭是卑南族少年進入成年之前的訓練,藉著刺猴活動與儀式,來培養少年的膽識和英勇。

每年12月中旬,青年會帶領青少年上山開始練習各種工藝及生活技能。

在兩天一夜的訓練當中,有放捕獸夾的訓練,有自製弓箭的課程,還有夜間試膽的活動,最後一天才有射假猴比賽,刺殺假猴之後,由青年帶領少年們唱祭猴歌,以弔猴靈,比賽完,才能由營地賽跑至會所廣場,在跑步的路程,有許多家長隨同歡呼鼓勵,在會所大門口,會有婦女帶領練習迎接的小女生,讓到達的青少年一一戴上花環,在陪同青少年在廣場跳傳統舞,吃一頓婦女們準備的佳肴,祭典最後,青少年階級們以竹子鞭打少年屁股,代表少年的成長。這時才終告完成少年祭的活動。

少年祭是部落年祭的首項祭儀,接著所有祭點才正式展開。在每一項的祭典當中,絕對少不了少年級的成員,  在年祭的這段時間,他們必須隨時待命,不論天氣多冷,他們依然光著上身,下半身只圍著一片藍裙,手持自製長矛,在青年會所門口24小時輪流站崗守衛。直到年祭結束為止。

 

 

文章資訊
文章年度109
文章編號4
文章組別國中
文章語別建和卑南語
族語標題mangayangayaw
漢語標題少年祭
文章作者洪豔玉
漢語摘要