adiyu diya na likulraw di na cumay, salaw mareka’inava. ulra a saya wari marecevung di madayadayar da pakavulay kanantu pinivalrayan tu dadek kema.

marengay na likulraw mu, curiyay ku diya nu kemadu kema. ai palrupe’u diya nanu maca di nu adi ku diya kimpiya demeri mu, amana diya limi’ac kananu maca ay! kema na cumay.

na cumay mu, tu patawaray cumuri di tu pakavulayaw. piya lra cumuri mu, tu pali’acaw lra tu maca na likulraw.

lemi’ac lra na likulraw mu, salaw semangal kana vulay dadu tu icacuri, di inu lra kema, kemadu diya marengay ’’nu adi ku diya kimpiya demeri mu, amana diya limi’ac maw,, kema na likulraw.

aymu kana lapi’ lra na likulraw awlra di, puredaliw lra penatawar cumuri, tu pakunamunay lra demeri da ’ude’udem mapiyapiya tu dadek na cumay di mawmau i taheran tu deriyaw kana vulreci’ na pinivalrayan da “V” kema demeri. maruwa lra kema na likulraw kani ’aliwtaw i cumay.

mukuwa masinkina di lemi’ac mena’u tu dineriyan na likulraw mu, ’ude’udem peniya tu dadek, mawmau i taherang na vulreci’ pakiwaray.  ’ilremes pakirev di ’umuy’uy. man nu kuwaniyaw ku temara’eman di, kemuda u kemani u ’ali’? kema di malali’us di marepakalrawa lra nadu, likudan lra, adi kiseker na likulraw kana cumay, di marengay kani cumay “ali! pamelri ku, di kairaira kannu” kema sumungal di marengay kani cumay da “nu damadaman lra, nu mirawa ku diya mu, adi ku kalaalup da pu’acar kannu, di mau nangku sinasavung kannu daku pamelriyan” kema maruwaday lra.

kemay kanidu lra mu, nu mirawa diya na likulraw mu, adikadi semama’ veray kani cumay kema tu pauwayan ini na vativatiyan.

kinger ta da cau mu, palru harem kemadu diya tu kakuwayanan na likulraw kema, nu mirawa diya na likulraw mu, adikadi pu’acar diya kani ’aliwtaw na cumay kema.

在以前老虎及黑熊非常要好。有一天，在路上相遇，兩個就談論說，朋友！為何我們兩個一點都不好看呢？我們不如將身上塗上色彩讓我們變得漂亮一點。

老虎就說這樣子的話你先幫我塗上色彩。熊說好吧，閉上你的眼睛，在我沒有塗完顏料不可以張開眼睛。熊就非常用心的為老虎塗上顏料，就跟老虎說好了張開眼睛。

老虎張眼一看非常漂亮，高興的跟熊說換你了，要熊也閉上眼睛開始塗顏料，但是老虎很疲倦，心想隨便塗塗也無所謂，就將熊的全身塗上黑色的顏料。黑色顏料不夠塗，在熊的胸膛就留下像是白色彎月的形狀。老虎就說塗好了，熊張眼一看全身都是黑色的非常生氣，就說，朋友你怎麼這樣呢？你欺人太甚了，說著兩個就大打一架。

老虎不是熊的對手，就告訴熊說：「朋友！是我的錯，對不起，日後我有獵物，我會留給你，算是補償我犯的錯及對你的敬意」兩個才分離。據說，從此以後老虎，如果有獵物一定會留給熊，就是這個原因。